1 наурыз - Алғыс айту Күні!

    2015 жылдың 14 қаңтар күні Елбасы Қазақстан халқы Ассамблеясының құрылған күні - 1 наурызды Алғыс айту күні деп жариялау туралы Жарлыққа қол қойды. Яғни, осы жарлыққа сәйкес көктемнің алғашқы күнінде Қазақстан халқы Алғыс айту күнін атап өтеді.

Алғыс айту күні - ең алдымен, елімізде тыныштық пен үндестік, өзара сенім мен барлық қазақстандықтарға деген құрметтің орнығуына негіз болған Президенттің бейбітшілік пен келісім саясатының салтанатты күні.

Алғыс айту күні - қысқа мерзім ішінде Тәуелсіз Қазақстанды құру жолында аянбай тер төккен еліміздің барлық азаматтарының бір-біріне құрмет білдіретін және Қазақстанның көпэтносты халқының ортақ тарихын құрметтеу күні.
Кітапханада мереке күнгі бағдарламалар «Рахмет!» смайлик сыйлау акциясынан бастау алып, мереке туралы ақпарат беріліп, «Асыл қазына: РАХМЕТ!!!»тақырыптық кітап көрмесі, ,«Ғажайып сөз, РАХМЕТ!» медиа сабағы, , «Ізгі лебіздер мен ұсыныстар»: еркін микрофоны және Облыстық Жастар театрының әртістерімен кездесу өтеді.
Мерекелік іс-шара сіздер үшін өте қызықты болады деп ойлаймыз.
Біздің, кітапханамызға келушілерге, өз білімімен әрқашан бөлісуге дайын, кітапты сүйіп оқитын оқырмандарымызға алғысымыз шексіз! Сіздерді көруге әрқашан қуаныштымыз! Келіңіздер!

 Байланысшы: Ашкенова Ж, тел. 261 333,.(119)

• < Артқа
• Алға >