Біз көптеген белгілер мен символдар әлемінде өмір сүреміз, ал олар біздің өмірімізді барынша әсерлі етеді. Келе жатқан 2016 жылдың символы – мешін. Бұл символ нені білдіреді? Оқырман қауым ол туралы кітапхананың бірінші қабатында ресімделген жаңа жылдық «Көңілді мешін жылы» атты көрмедегі «Талисманы и амулеты» кітабынан оқып біле алады.

Кітапхананың кішкентай оқырмандары көрмеден Мешін жылы туралы кітаптар мен өлеңдер табады. Бұлардың қатарында «Жануарлар әлемінде» сериясынан приматтардың түрлері жайында энциклопедиялар, танымдық кітаптар табылады. Сондай-ақ, осы жануарларды бақылап, зерттеулер жүргізу нәтижесінде жазылған Д.Фоссидің «Гориллы в тумане», Б.Гржимектің «Мы вовсе не такие» кітаптары орын алған.
Балалардың назарына көңілді приматтар туралы көркем әдебиеттер ұсынылған. Бұлар, ең алдымен, ағылшын жазушысы Х.А.Рейдің Джорж атты кішкентай тентек мешіннің қызықты оқиғалары туралы кітаптарының сериясы. Кітап шыққаннан бергі 70 жыл ішінде Джорж бүкіл әлем балаларына тек қуаныш сыйлайды. Оған таңданатын емес - өйткені оларда ұқсастық көп. Көрмеге «Жыл басына таласқан жануарлар» атты дыбыстық ертегі-кітап ұсынылған, онда мешін жан-жануарлар арасындағы 12 айдан күнтізбені кім бастайтыны туралы талқыға қатысады.
Жаңа жылдық қалай қарсы аламыз, қандай киім кию керек, үйді, елканы қалай безендірген жөн, жаңа жылда дастарханға қандай тағамдар қойылады, туыстар мен достарға қандай сыйлықтар әзірлейміз? Осындай сауалдарға жауапты интернеттен ғана емес, кулинария, шаш үлгісі, бетті әрлеу, сән үлгілері туралы кітаптардан, сондай-ақ жаңажылдық суретті энциклопедиялар, өлеңдер, жұмбақтар, ертегілер мен сценарийлерден табуға болады.
В.Зайцев пен К.Буренинаның «50 идей как устроить праздник», «Платье на выход», А.Васильеваның «Этюды о моде и стиле» кітаптары оқырман талғамынан шығары сөзсіз. Жаңа Жыл құтты болсын! Жаңа жылдық көрмеге хош келдіңіздер!