Абай Құнанбаев

«Абай әлемі» кітаптар топтамасымен шыққан кітапта қазақ халқының ұлы ақыны Абай Құнанбайұлының толық шығармалар жинағына өлең, поэмалары және қара сөздері топтастырылған.       

Шәкәрім Құдайбердіұлы

«Абай әлемі» кітаптар топтамасына таңдаулы жауһарлар еніп отыр. Ғұлама ойшыл, тарихшы, аудармашы, сазгер Шәкәрім Құдайбердіұлының түрлі кітаптарға енген, әр жылдарда жазылған өлеңдері және дастандары жинақталған.                 

Әнші Әміре

«Абай әлемі» кітаптар топтамасына қазақ елінің әншілік өнерін тұңғыш рет күллі әлемге паш еткен Әміре туралы естеліктер, лебіздер, зерттеу мақалалары, өлең-дастандар жинақталған. Өмірінің қиын-қыстау кезеңі, беймәлім қырлары, оның теңдессіз орындаушылық шеберлігі, әртістігі жайлы тереңнен сыр шертеді.                                                    

Төлеу Көбдікұлы

Төлеу Көбдікұлының суырыпсалма және жазбаша толғаған өлеңдері, айтыстары, толғаулары, ақынның замандастарына арнаған өлеңдері және ол туралы естеліктер «Абай әлемі» кітаптар топтамасына енген. Өткен өміріміздің рухани бейнесін өткір сезім, ойлы сөзбен кестелеген шешен ақын.   

Шәкерхан Әзмұханбетов
Үкілі найза ұстаған Үш Бәйжігіт

Жерлес, жазушы-публицист Шәкерхан Әзмұханбетовтың "Үкілі найза ұстанған Үш Бәйжігіт" кітабы кітапхана қорын толықтырды. Бәйжігіт руы шежіресіне арналған зерттеулерді сын тұрғысынан сараптап, оларды тарих тезіне қарастыруды көздеген. Кітапта тарихи оқиға, аңыз-әңгімелер негізінде жазылған және деректі әңгімелерге, ғылым әлемінде қозғалған кейбір мәселелерге көңіл бөлінген.

Қазақстан дипломатиясының жаңа есімдері

Биылғы Жастар жылына байланысты жаңа туынды іспеттес. Тәуелсіз Қазақстанда туып-өскен жас дипломаттар туралы кітап. Дипломаттарымыз әлемнің әртүрлі түкпірлерінде, сондай-ақ халықаралық ұйымдарда қызмет етуде.                                                                                                                                                                                                                                                                      

Бақыткамал Қанарбаева
Қазақ әдебиетіндегі постмодернизм

Автор кітабында посмодернизмдегі гуманизмнің күңгір және көлеңкелі тұстарына шешім іздетеді. Әдеби ағымдар туралы жағымсыз пікірлерді жоққа шығара отырып, қазақ әдебиетін дамытудағы ерекшелігіне баға беріледі.

Жыр арқауы - Елбасы

Кітапқа Қазақстанның Тұңғыш Президентіне арналған әр жылдардағы бата-тілектер, өлеңдер, толғау, поэмалар және ән мәтіндері енген.                                                                                                     

Ел жүрегі - Астана

Астанаға арналып 2017-2018 жылдары мерзімді басылымдарда жарық көрген материалдар топтастырылған. Жинаққа естеліктер, ой-пікірлер, мақалалар мен сұхбаттар енген.           

Анаш Думан.
Алтайдан Алакөлге дейін

Шығыс Қазақстан өңірі туралы қызықты деректер мен дәйектерге толы мақалалар топтастырылған. Қаламына арқау еткен журналист Алтай мен Тарбағатай жерінің ерекшелігін  оқырман қауымына ұсынған. Кітапта "Қазақстандық даму үлгісінің" табиғаты мен оның эволюциясы, басты ұстанымдары мен қозғаушы күштері сараланған. Қазақстанды жаңғыртудың үш толқыны кеңінен ашып көрсетілген.          

Жантасов, Амангелді
Жартасты жастанған жасақ

Совет әскерінің құрамында жасақталған "мұсылман батальонының" Ауғаныстан жеріндегі өшпес ерліктері баяндалған.                                                 

Назарбаев Н. Ә.
Бұрыңғы Семей сынақ полигонын қауіпсіз күйге келтіру жөніндегі ғылыми-техникалық және инженерлік жұмыстар кешенін жүргізу

1994 жылдан бастап қазіргі уақытқа дейінгі атқарылған іс-шаралар туралы. Америка Құрама Штаттарының және Ресей Федерациясының өкілдерімен бұрынғы Семей сынақ полигонын қауіпсіз күйге келтірудегі ғылыми-техникалық және инженерлік жұмыстар кешенінің нәтижелері ұсынылған.