Қазақстандықтар – Ұлы Жеңістің қаһармандары

Біздің кітапхананың қоры «Герои Великой Победы-казахстанцы» деп аталатын жаңа кітаппен толықты. Кітаптың тұсаукесері  мамыр айында Ұлы Жеңістің 71 жылдығы қарсаңында «Нұр Отан» партиясының облыстық филиалында өткен болатын. Екі томдық басылым «Нұр Отан» қоғамдық партиясы институты мен «Интеллект Орда» Халықаралық әлеуметтік гуманитарлық интеграциялық зерттеулер институтының біріккен «Ардагерлерді ардақтайық» партиялық  жобасының нәтижесі.

 «Нұр Отан» партиясының облыстық филиалы осы екі томдық басылымды облыс кітапханаларына , ардагерлер ұйымына, оқу орындарына сыйға тартты.
Басылымның мақсаты - Ұлы Жеңіс батырларының ерліктері туралы ақпаратты қарапайым жариялау ғана емес, негізгі басты мақсат еліміздегі қазіргі және болашақ ұрпақтың Отанын қорғауға тарихи дәстүрді жалғастыруға лайықты дәрежеде болатын, қазақстандық патриотизм қалыптастыру.
Зерттеушілердің еңбектерінің арқасында жалпы халықтың, этникалық құрамы, аймақтық шығу тегі, сондай-ақ, Ұлы Жеңіс қаһармандары бойынша көптеген нақты жаңа деректер ашылды.
Бүгінгі күні қазақстандық 6 Кеңес Одағының батыры арамызда, олардың екеуі Шығыс Қазақстаннан -Борозенец Степан Николаевич, Зарудин Юрий Федорович.
Екінші дүниежүзілік, Отан соғысы кезіндегі Кеңес Одағының Батыры атағын алған тұлғалар туралы ақпараттарды іздестіру, анықтау, нақтылау, зерттеу жұмыстары әлі де жалғасады.
Бүгін 22 маусым - Ұлы Отан соғысының басталған күні біздің кітапхана облыс кітапханаларына «Рухы күштілер» кітабын жіберуде. Жинақта Шығыс қазақстандық 22 солдат туралы ақпарат берілген. Мұрағат деректері бойынша олардың қай жерде, қашан және қандай ерлік көрсеткендері нақты келтірілген.
Біздің қаһармандарымыз біз үшін ерлік пен отанға деген махаббаттың үлгісі болып қала бермек.

• < Артқа
• Алға >