Астана - болашақтың қаласы

Астана Күні қарсаңында 5 шілдеде, кітапханада «Болашақ энергиясы» интерактивті көрмесі өтті. Мереке «ЭКСПО 2017» көрмесі мен елордамыздың туған күніне арналды. Іс шарада төрт тақырыптық алаң жұмыс істеп, ЭКСПО-2017 көрмесінің негізгі идеясын оқырмандар назарына ұсынды.

Энергия әлемі ,
Болашақ энергиясы,
Баршаға арналған энергия ,
Менің болашақ энергиям, 

«Энергия әлемі» алаңы қатысушыларды болашақта энергетиканы дамытуға ықтимал шешімдер қабылдау үшін энергия феноменін неғұрлым қарапайым түсіндірді. 

«Күн энергиясы» тақырыбы жеке қойылып, мұнда қатысушылар күн энергиясын және оны пайдалану әлеуеті туралы білді.
«Болашақтың энергиясы» алаңы  энергия үнемдеу және энергия тиімділігін арттыру тұжырымдамасын суреттеді.
Қатысушылар жел энергиясын алуды үйреніп, қарапайым ядролық энергия деген не? және оны қалай пайдалануға болатынын көріп, білді.

«Баршаға арналған энергия» алаңы ғаламшар тұрғындарының энергетикаға қол жеткізу механизімін ұсынды. 
Ал «Менің болашақ энергиям» павильонында оқушылар жасаған туындылар ұсынылды.  Бұл - балалар жобалары, физикалық және химиялық эксперименттер, құм сағаттар жұмысы, Лего-конструктормен жасалған болашақ қаласының жобасы.

Интерактивті көрмемен қатар, ЭКСПО 2017 көрмесі өтетін Астана қаласына арналған іс-шаралар әзірленген. Мәселен, «Менің Астанам»=«Астана - моя столица» медиа сабағы өткізіліп, қонақтар елордамызға виртуалды саяхат жасайды.
Кітапхана сайтында (http://www.pushkinlibrary.kz) Астананың архитектуралық жетістіктері туралы «Бәйтерек - аңыз-ертегі»=«Бәйтерек - сказка-быль» деп аталатын виртуалды көрме жұмыс істейді. Кітапхана телеэкрандарында «Менің Астанам» фотоальбомы көрсетілуде.

«Астана - менің елордам» және «ЭКСПО - 2017» кітап көрмелері Пушкин кітапханасының қорындағы тақырыптық әдебиеттермен таныстырды. Ең кішкентай оқырмандарымыз «Болашақтың қаласы» тақырыбында асфальтта сурет салды.
Елбасы мен Астананың туған күніне арналған сый-тартуымыз – әсем ән мен жыр шашу мерекеге ерекше көрік берді.  Тұсаукесерден видеорепортаж  https://www.youtube.com/watch?v=68Pq4kgEZ2Q&feature=youtu.be

Байланысшы: Жансая Ашкенова, Тел.: 26-39-46 ішкі (119)

• < Артқа
• Алға >