Бүкіләлемдік кітапханалық және ақпараттық конгресс: ИФЛА-ның 82-конференциясы АҚШ-та Колумбус қаласында өтуде

14 тамызда біздің кітапхана қызметкерлері директор Қабиба Ақжігітовамен бірге Бүкіләлемдік кітапханалық және ақпараттық конгресс: ИФЛА-ның 82-конференциясының салтанатты ашылуына қатысты (Колумбус, Штат Огайо, АҚШ). Ашылу салтанатының тақырыбы - «Өнертабыс және инновация», ғылым, өнеркәсіп және ақпаратқа назар аударылды.

Халықаралық конференцияда Қазақстандық кітапхана өмірі тарихында алғаш рет біздің кітапхана әзірлеген сдендтік баяндама ұсынылады.
Біздің стендтік баяндамамен әділқазылар алқасын және 4 мың аудиторияны кітапханамыздың қызметкері Әсем Екімбаева таныстырады. «А. С. Пушкин атындағы Шығыс Қазақстан облыстық кітапханасының оқырман-көшбасшылары» – стендтік баяндамасына «ІТ-отау» және «Ауылдық онлайн-орталықтар» жобалары негіз болды.
Конгресске қатысушыларға ИФЛА президенті Донна Шидер құттықтау сөз айтты. Ол конференция тақырыбын атап өтті: «Байланыстар. Қызметтестік. Қоғамдастық». Отырыстарда қаралатын мәселелер: Кітапханалардағы бірлескен жобалар, Кітапхана қызметтері, Үкіметтік және Парламенттік кітапханалар -қоғамдастыққа қызмет көрсетудегі жаңашылдық т. б.
13-19 тамыз аралығында Колумбуста өтетін конгресстің жалпы тақырыбы - «Байланыстар. Қызметтестік. Қоғамдастық». Конгресс жұмысына 120-дан астам елден 3500-ге жуық өкіл қатысады.

Байланысшы: Валентина Райхель,тел: 261 333,ішкі:119

• < Артқа
• Алға >