ACCESS Program: бесінші маусым

1 қарашада кітапхананың мәжіліс залында ACCESS бағдарламасының бесінші маусымының салтанатты ашылу салтанаты өтті.  Іс-шараға Қазақстан мен АҚШ университеттері арасындағы әріптестік қатынастарды дамыту бойынша сарапшы, Ричард Боюм, Қазақстандағы АҚШ Елшілігінің Мәдени атташесі Меган Тетрик, Қазақстандағы АҚШ Елшілігінің мәдениет және білім саласындағы бағдарламаларының маманы (https://kz.usembassy.gov/ru/education-culture-ru/opportunities-ru) Айдана Кенесбаева, ACCESS бағдарламасы бойынша білім алған түлектер,мұғалімдер және кітапхананың Америка мәдени орталығының мамандары (http://acc.pushkinlibrary.kz), биылғы жылы курсқа қабылданған оқушылар және олардың жақындары қатысты.

English Access Microscholarship Program - АҚШ Мемлекеттік департаментінің қолдауымен аз қамтылған отбасы балаларына ағылшын тілін үйренуге мүмкіндік беретін екі жылдық бағдарлама.
Сонымен қатар, бағдарлама олардың елдің әлеуметтік-экономикалық дамуына балалардың қатысу дағдыларын дамытуға бағытталып, олардың көшбасшылық дағдыларын дамытады.

ACCESS бағдарламасымен білім ала отырып оқушылар өздерінің бәсекеге қабілеттіліктерін арттырып, беделді жоғары оқу орындарына түсуге, Халықаралық білім алмасу бағдарламалары бойынша конкурстарға қатысуға мүмкіндік алады.
Қонақтар, курсқа жаңадан қабылданған оқушылардың туыстары мен ұстаздары сөз алып, жылы лебіздерін білдірді.

Алдыңғы маусымдарда білім алған ACCESS бағдарламасының қатысушылары ортаға шығып шағын қойылып қойып, ағылшын тілін үйренуде екі жыл ішінде жеткен жетістіктерін көрсетті.

Басқосу соңынан Ричард Боюм мырза жаңадан қабылданған оқушыларға English Access Microscholarship Program 2016-2018 сертификаттарын табыс етіп, оқу маусымының басталуымен құттықтады.
Біз балалардың атына айтылып жатқан ізгі тілектердің барлығына қосыламыз, Access мектебінде оларға жаңа достар тауып, ой-өрістерін кеңейтіп, алдыға қойған мақсаттарына жетуде батыл, өршіл болып екі жыл уақыттарын пайдалы әрі қызықты өткізуге тілектеспіз!

Тел.: 261-333 (добавочный 106)

• < Артқа
• Алға >