Кітапханада Елбасының оқу залы ашылды.

1 желтоқсан Қазақстан Республикасы Тұңғыш Президенті күні кітапханада Елбасының оқу залы ашылды. Ашылу салтанатына жергілікті билік өкілдері, қаламыздағы зиялы қауым өкілдері, жастар, журналистер қатысты.
Аталған залдың қызметі – Елбасының жасампаз идеялары мен бастамаларын насихаттау, ол ең алдымен шығысқазақстандық өскелең ұрпақты мемлекеттік құндылыққа сусындатып, азаматтық жауапкершілік пен патриотизмге тәрбиелеу мақсатына бағытталады.

«Қазақстан Республикасының Тұңғыш Президенті – Елбасының кітапханасы» мемлекеттік мекемесі Елордамыз – Астана қаласында орналасқан. Кітапхана қорында Н.Ә. Назарбаевтың жеке мұрағатындағы 700 жәдігер мен 20 000-нан астам басылым жинақталған. Қор үнемі жаңа кітаптармен, фотосуреттермен, мұрағаттық материалдармен толықтырылып тұрады. Енді осы материалдар мен жаңа басылымдар Өскемендегі Оқу залының пайдаланушылары үшін онлайн режімінде қолжетімді болмақ. Сондай-ақ, Тұңғыш Президент кітапханасы арқылы ғылыми әрі білім беру мақсатында Оқу залы әлемдік баспалардың лицензиялық дерекқорларына қолжетімділікті қамтамасыз етпек. Ашылу салтанатына орай Тұңғыш Президент кітапханасы Оқу залына Елбасы кітаптарының арнайы топтамасын сыйға тартты.
Сонымен, Өскемендегі Оқу залы әртүрлі жастағы және кәсіби топтағы адамдардың Тұңғыш Президент кітапханасымен байланыс жасайтын өңірлік кеңістік болмақ. Мұнда ақпараттық және әдістемелік семинарлар, зерттеушілермен кездесулер, онлайн диалогтық алаңдар, дискуссиялар және т.б. іс-шаралар ұйымдастырылады. Оқу залы Тұңғыш Президент кітапханасымен бірлесе отырып, жастардың саяси мәдениетін, әлеуметтік дағдысын қалыптастыруға, сонымен бірге жас кадрлар резервін дайындауға ықпал етпек. Сондықтан
Оқу залы жастардың әлеуметтік тәжірибелік рөлін арттыру, жергілікті қоғамдастықтың әлеуметтік маңызды жобаларын жүзеге асыруға тарту мақсатында талантты жастарды, мектеп пен студенттік өзін-өзі басқарудың белсенділері мен көшбасшыларын біріктіріп, шоғырландыруды өзінің басты бағыты деп анықтайды.
Жобаға демеушілік қолдау көрсеткен «Қазмырыш» ЖШС Президенті Никола Попович пен «Ореол ЛТД» ЖШС-нің жетекшісі Коротин Сергею Викторовичке шексіз алғысымызды білдіреміз. Осы серіктестік арқасында Оқу залына келушілер заманауи техникалық жабдықтарды қолданады, соның ішінде Тұңғыш Президент кітапханасымен онлайн байланыстар орнату және қашықтық қызметін пайдалануға мүмкіндік туып отыр.
Іс-шараға қатысушыларды облыс әкімінің орынбасары Нүсіпова Әсем Бекқызы құттықтап, аймақ үшін Елбасы оқу залының ашылуының жастарды мемлекеттік құндылықтарды бағалай білетін нағыз патриот етіп тәрбиелеуге өте қажет екенін атап өтті.
«Казцинк» ЖШС-нің директоры Лазарев Андрей Павлович оқырмандарды осындай оюлысымызға маңызды оқиғамен құттықтап, кітапхана мамандарына сәттілік тіледі. 

 Анықтама тел.: 261333 (ішкі № 119) Ашкенова Жансая

• < Артқа
• Алға >