Компьютерлік сауаттылық сайысы

13 желтоқсанда біздің кітапханада «25 жұлдызды күн» акциясы аясында «IT-OTAU» -да ақысыз компьютерлік курстан өткен оқырмандар арасында конкурс өтті.
Компьютерлік курстардың міндеті - қоғамдағы белсенді жастарды, жұмыссыз жастардың еңбек пен бәсекеге қабілеттілігін арттыру мақсатында ақпараттық технологияны пайдалануға үйрету. Сондай-ақ, мамандар, зейнеткерлерге заманауи ақпараттық ортада бейімделуге қолдау көрсету.

Компьютерді сондай-ақ ғаламторды пайдалана білу электрондық қызмет түрлерін, «Электрондық үкімет» порталын пайдалануға мүмкіндік береді.
Компьютерлік сауаттылық әліппесін меңгерген курсанттар әлеуметтік желілерде еркін тілдесіп, хат-хабар алысып, өз білімдерін ары қарай жалғастыра алады.

ҚазақстанТәуелсіздігінің 25 жылдық мерекесі қарсаңында «IT-OTAU» -да компьютерлік сауаттылық курстардан өткен зейнеткерлер мен "Алтын-ай" қоғамдық бірлестігінде тәрбиеленіп жатқан мүмкіндігі шектеулі жастар арасында сайыс өтті. Сайыс кітапхана мамандары дайындаған әзіл-сықақ қойылыммен ашылды. Қатысушыларға жекелеген тапсырмалар беріліп, командалық ойын өткізілді. Сайыс жеңімпаздары арнайы грамоталармен және сыйлықтармен марапатталды

Байланыс тел.::261 333; 26-39-46 ішкі.119

• < Артқа
• Алға >