Ертегілер әлеміне саяхаттайық!

 1812 жылы 20 желтоқсанда Берлинде алғаш рет ағайынды Гриммдердің "Детских и домашних сказок" жинағы басылып шықты. 204 жылдан кейін дәл осы күні біздің кітапханада Кассель қаласындағы ағайынды Гриммдердің мемориалдық мұражайы қорынан «Братья Гримм. Жизнь и творчество» көрмесінің тұсаукесері өтті.

Көрмеде Якоб және Вильгельм Гриммдердің кітаптары, құжаттары мен жазба мәліметтері, сирек кездесетін фотосуреттер сондай-ақ, танымал ертегілерге иллюстрациялар ұсынылған. Көрменің ашылу салтанатына келген кішкентай қонақтар викторинаға қатысып, ағайынды Гримм ертегілерін өте жақсы білетіндіктерін көрсетті.
Ағайынды Гриммдер мұражайының көрмесі әлемнің көптеген елдерінде болып, мыңдаған көрерменмен жүздесіп қайтты. Бүгінгі күні біз де осы бірегей көрмемен танысып, өз пікірімізді білдіру мүмкіндігіне ие болып отырмыз.
Көрме дүйсенбіден басқа күндері сағат 9.0-ден 20.00-ге дейін ашық. Хош келдіңіздер!

• < Артқа
• Алға >