«Азаттығым ақ таңым, ардагерлерім мақтаным»: оқушылар айтысы

Қазақ халқының қанына сіңіп, өмірімен біте қайнасып, ғасырдан – ғасырға жалғасып, ұрпаққа мұра болып келе жатқан қасиетті өнер - суырып салма айтыс өнері. Осы өнерді дәріптеп, насихаттау мақсатында А.С. Пушкин атындағы кітапхана «Ертіс концерт» КМҚК мекемесімен бірлесе отырып «Тастүлек» ақындар мектебін ашты.

2017 жылы 5 мамыр  сағат 15.00-де аталған ақындар мектебінің алғашқы «Азаттығым ақ таңым, ардагерлерім мақтаным» атты кеші өтеді. Кештің мақсаты – арпалыспен келген азаттығымыз бен талпыныспен келген тәуелсіздігімізді бағалап, ұлы отан соғыс ардагерлеріне құрмет көрсету, Алаш арыстарын ұлықтау.

Кешті «Тастүлек» ақындар мектебінің жетекшісі, айтыскер-ақын, жас қаламгер – Гүлнұр Зұлқаршын жүргізеді.

Шығыстың айтыскер-ақын қызы – Әлкембаева Құралай, ақын Қазақстан Жазушылар Одағының мүшесі - Бақытжан Райысова,  бірнеше раеспубликалық, облыстық жыр мүшәйрасының жүлдегері, «Шабыт» жас ақындар клубының жетекшісі - Қызырбек Дүргенбай әділ қазылар алқасында төрелік етеді.

Сондай-ақ, барша қонақтар үшін кітапхана қызметкерлері тақырыптық көрме ұйымдастырады.

Аталған кешке суырып салма өнері бар дарынды ақын оқушылар қатысады.

Құрметті жырсүйер қауым, баршаңызды тамаша айтыстың шынайы куәгері болуға шақырамыз!

Байланысшы: Зұлқаршын Гүлнұр
Тел. 8 7758301250, 74-07-65
Эл. пошта This email address is being protected from spambots. You need JavaScript enabled to view it. 

• < Артқа
• Алға >