Тәжікістандық қонақтар кітапханада

Тәжікстандағы «Ашық қоғам» институтының, бастамасымен, «Мемлекеттік қаржыны басқару» бағдарламасы бойынша Қазақстанның Ұлттық бюджет желісінің және  СОРОС Қазақстан Қорының тікелей қолдауымен Тәжікстан Республикасы өңірлерінің өкілдері Өскеменге ресми сапармен келді

Қазақстанның тәжірибесін зерделеу және жергілікті бюджеттің ашықтығы мен есеп берушілік тәжірибесімен бөлісу мақсатында келген қонақтар біздің кітапханаға келді. Қонақтарды кітапхана директорының орынбасары Шагиева Бибигуль Жамбыловна қарсы алды.
Кітапханаға саяхат кітапхана бөлімдерімен танысудан басталып үйірме, клубтармен танысумен жалғасты.
Кітапхана мамандары қонақтарға «Рухани жаңғыру» бағдарламасы туралы, кітапхана сайты www.pushkinlibrary.kz өлкетану онлайн-ресурстары, «Біздің Абай» электрондық кітапханасы, «Шығыс Қазақстан: танымал есімдер» дерекқоры, ҚР электронды үкіметі порталының қызметі туралы ақпараттармен бөлісті.

Уктам Джумаев, Халықаралық бюджеттік серіктестікті зерттеуші, Тәжікстан

Кітапханадағы бүгінгі кездесу бізге көптеген пайдалы ақпарат берді. Бүгін біз, заманға сай жабдықталған, автоматтандырылған, ағылшын және басқа тілдерді оқып үйренуге мүмкіндік жасалған, мүмкіндігі шектеулі жандарға қол жетімді ғажайып ортамен таныстық. Оқырманның жан-жақты дамуына барлық мүмкіндіктер жасалған.
Біз кітапханаларымызға, жергілікті атқарушы органдарға өз кітапханамыздың да  азаматтарына осындай жағдай жасауын сұрап, ұсыныс жасауға тырысамыз. 

Байланыс тел: 26-39-46 (119)

• < Артқа
• Алға >