Кітапхана Отбасылық Пикникте

Қаламызда бүгінгі сенбі ерекше өтуде. Резиденция Аралында қалалықтарға алғаш рет «Отбасылық Пикник» ұйымдастырылды. Ертіс өзенінің бойында ашық аспан астындағы табиғат аясындағы шатырда қаладағы басқа да ұжымдармен бірге біздің мобильді кітапхана орын алды. Қуыршақтар, аниматорлар, трансформаторлар, сабын көпіршіктері және басқа ғажайыптар мерекеге ерекше көңіл күй сыйлады.

Кітапхана ашық аспан астында жерлестерімізге «Қызықты оқулар» атты балалар кітаптарының көрмесін ұсынды. Көрме үш тілде түрлі-түсті суретті басылымдармен айрықша көзге түседі. Көгалға жайылған кілемше үстінде LEGO конструкторлар, арнайы қойылған үстелдерде шахмат, дойбы ойнатылды. Балалар арасында 3 тілді қуыршақ театры, ағылшын, неміс тілін үйренуге арналған интерактивті ойындар ұсынылды. 
Кітапхананың Шеберлер мектебі балақайларды сурет салуға шақырса, «Қағаз айшықтары үйірмесі» қағаздан әртүрлі бұйымдар жасауды үйретті.
Сондай-ақ кітапхананың кішкентай оқырманы, «Эксклюзив» үйірмесінің мүшесі № 25 мектептің оқушысы Айымның «Әлем Айым Қалиеваның көзімен» фотосуреттер көрмесі ұсынылды. Талантты Айымның фотосуреттеріне қызығушылық танытқан жастар, кітапханада өтетін фотоүйірмеге жазылды.
«Maker Space» шығармашылық шеберханасы ұсынған робототехника, модельдеу, 3D-принтер мерекеге қатысушылардың назарын ерекше аударды.
Кітапхананың шығармашылық алаңына келген әрбір адамға кітапхана қызметтері туралы жарнамалық парақшалар мен визиткалар ұсынылды.
Ертең, 27 мамыр күні мереке жалғасады. Біз сіздерді отбасылық демалысқа арналған ең керемет пикникке шақырамыз! Кіру тегін! 

 Байланысшы: Ашкенова Ж.

Байланыс тел. 261 333,(119)

• < Артқа
• Алға >