"Рухани жаңғыру": Кітапханада жаңа білім деңгейіне қол жеткіздік

Ұлттық гвардия офицерлері үшін оқыту семинары - біздің кітапхананың жаңа әліпбиді оқып-үйрену орталығы базасында өтті. Қазақстан Республикасы Ұлттық гвардиясының «Шығыс» өңірлік қолбасшылығының Өскемен, Павлодар, Семей, Курчатов, Астана қалаларындағы мемлекеттік тілді енгізу жөніндегі оқу және әлеуметтік-құқықтық жұмыстар бөлімінің басшылары мен орынбасарлары кітапхана қызметі мен ресурстарымен танысты.

Кітапхана жұмысымен танысу Жастар-интеллект орталығының жетекшісі Нұргүл Құдайбергенованың жүргізген экскурсиясымен басталды. Қонақтар кітапхананың барлық орталықтарымен танысты.
Таңертеңнен робототехника мен модельдеу жобаларын жасаумен айналысқан студенттер мен оқушылар отырған Мейкерспейс шығармашылық алаңына офицерлер ерекше қызығушылық танытты.
Мүмкіндігі шектеулі жандарға арналған «Арнайы қызметтер залының» жұмысы, ондағы арнайы жабдықталған техникамен Нұрсадықова Бағдагуль таныстырды.
Өлкетанушы Слямова Зиза қонақтарды кітапхананың веб-сайтындағы «Өлкетану», «Біздің Абай» бөлімдерімен таныстырып, өлке тарихынан қызықты ақпараттармен бөлісті.
«Рухани жаңғыру» бағдарламасы аясында кітапханада ашылған «Жаңа әліпбиді оқып-үйрену Орталығының» жұмысымен, орталықта өтетін А. Байтұрсынов атындағы Тіл білімі институтының ғылыми жұмыс жөніндегі директорының орынбасары, филология ғылымдарының кандидаты Фазылжанова Анар Мұратқызының онлайн дәрістері туралы Ашкенова Жансая айтып берді.

Байланысшы: Ашкенова Ж.С,тел.261 333

• < Артқа
• Алға >