Пушкин кейіпкерлерінің бейнесі фотосуреттерде

Пушкин кітапханасының «Эксклюзив» фотоклубынің мүшелері Шығыс Қазақстан облыстық драма театрының актерлерімен бірге 19 мамырда өз оқырмандарын, қаламыздағы фото сүйер қауымды «Пушкин кейіпкерлерінің бейнесі фотосуреттерде» жобасына қатысуға шақырды.

Кітапхананың білім орталығында Пушкин шығармаларының кейіпкерлерімен кездесу өтті. Фототүсірілімге арналған эпизодты театр режиссері Татьяна Баева дайындады. Облыстық театрдың әртісі Евгений Пятков Пушкин бейнесін,Надежда Коровина, Варвара Пак, Игорь Снегиревтер ақынның «Барышня-крестьянка» шығармасындағы кейіпкерлер бейнесін сомдады.
Фотосессия қонақтары, №44 және №47 қалалық мектептердің оқушылары ақын ескерткішінің жанында ақынның шығармаларынан үзінділер оқып, бейнежазбаға түсірілді. Бұл бейнежазбалар Ресейдегі Ленин атындағы облыстық ғылыми кітапхананың Ульянов кітабы сарайының ұйымдастыруымен өтетін «Читаем Пушкина на языках народов мира» Халықаралық конкурсына қатысуға жіберіледі.
«Эксклюзив» фотоклубынің мүшелері әртістерді «Играем Пушкина» спектаклінен қойылым қойған сәттерінде фотоға түсіріп, алаңда жұмыс жасады.
Фотосессияға портрет, репортаждық фотосурет, тақырыптық фотосурет жанрлары кірді.
«Пушкин кейіпкерлерінің бейнесі фотосуреттерде» фотокөрмесінің презентациясы және «Кітапханалық Пушкиниана» бағдарламасы бойынша өткен фотосессия, көркемсөз оқу байқауларының қортындысы, 6 маусымда сағат 15.00-де кітапхананың мәжіліс залында өтетін «Татьяна Ларина салонында» мерекелік іс-шарасында белгілі болып, жеңімпаздар дипломдармен марапатталады.

Байланысшы: Жансая Аашкенова тел.: 261-333, (119)

• < Артқа
• Алға >