Vox Acapella тобымен кездесу

13 қыркүйек күні, сағ. 15.00-де А.C. Пушкин атындағы кітапхананың мәжіліс залында еліміздегі өнер әлемін тың бағытымен таңқалдырған отандық Vox Acapella тобымен кездесу өтеді.Акапелла тыңдарманға таңсықтау жанр болса да, өнерлі жастар өз аудиториясын қалыптастырып, елдің ыстық ықыласын жаулап үлгерді.

Нұр-Сұлтан қаласының талантты әншілер тобы әуенді ешбір музыкалық құралсыз-ақ орындайды. Алайда, кереметтігі сонша, бейне бір оркестрмен орындап тұрғандай әсер аласың. Топтың репертуары да өзінің алуан түрлілігімен ерекшеленеді. Ол – эстрадалық және халық әндері, белгілі қазақстандық және шетелдік орындаушылардың танымал хиттерінің кавер нұсқалары. Vox Acapella тобының барлық солистерінің музыкалық білімі бар. Бұл ақпарат топ жайлы көп біле бермейтіндер үшін, алайда VOX ACAPELLA кәсіби ортада едәуір белгілі топ. Олардың әнін тыңдаған адам, ерекше әсер алатыны сөзсіз.
Төрт жігіт пен қос арудан құралған топта құралған бұл топтың бір мүшесі, өзіміздің жерлесіміз, өскемендік – Амалият Ақерке.

VOX ACAPELLA тобы «Жаңа толқын» (Мәскеу қ.), ЕМА жүлдесі, «Шасливи Долони» (Киев), «Ашык Вейсель» (Түркия) сияқты көптеген халықаралық байқаулар мен фестивальдарға қатысып,  Қазақстан жастарының музыкалық мәдениетін лайықты түрде көрсетті.
13 қыркүйек сағ.19.00-де Металлургтер сарайында VOX ACAPELLA тобының концерті өтеді.
                                                  Келіңіздер, жас таланттармен танысыңыздар!

Байланысшы: Жансая Ашкенова
Байланыс тел.: 26-43-33 (119)

• < Артқа
• Алға >