Тікелей эфирде - Баян-Өлгей аймағындағы Ақтан Бәбиұлы атындағы кітапхана

27 сәуір күні сағ. 14.00-де Моңғолия Республикасының Баян-Өлгей аймағындағы Ақтан Бәбиұлы атындағы кітапхананың директоры Алтынгүл Дәлелқызымен фейсбук парақшасында тікелей эфирде онлайн кездесу өтеді.

Шара екі ел арасындағы әдеби ынтымақтастық пен мәдени байланысты нығайту, кәсіби бағытта іс-тәжірибе алмасу мақсатында ұйымдастырылып отыр.
«Кітапхана: тәжірибе және ынтымақтастық» тақырыбында өтетін сұхбат барысында кітапхана директоры Алтынгүл Дәлелқызы Ақтан Бәбиұлы атындағы кітапхананың жұмыс тәжірибесімен бөлісіп, атқарылып жатқан іс-шараларға тоқталады, сұрақтарға жауап береді.
Тікелей эфирге Қазақстан жағынан облыстық, қалалық кітапханалармен қатар, өңірдің аудандық кітапханалары да онлайн түрде байланысқа шығады деп күтілуде.
Онлайн кездесуге қатысушы әріптестер өзара тәжірибе алмасып, кітапхана саласындағы ортақ проблемалық сұрақтарға бірлесе жауап іздемек.

Байланыс тел.: Абылгазинова Гүлбаршын,
библиограф, 870562417

• < Артқа
• Алға >