Тікелей эфир «Шетелдегі қандастар және қазақ мәдениеті»

26 қазан күні сағат 15.00 –де А.С. Пушкин атындағы Шығыс Қазақстан облыстық кітапханасының ұйымдастыруымен Дүниежүзі қазақтарының қауымдастығы «Отандастар» қоры мәдениет департаментінің маманы, ақын Талапбек Тынысбекұлымен «Шетелдегі қандастар және қазақ мәдениеті» атты тақырыпта facebook әлеуметтік желісінде @Талапбек Тынысбекұлы парақшасында онлайн сұхбат өткізеді.

Талапбек Тынысбекұлы, ақын, 1982 жылы 17 қазанда Алтайдың Қаба ауданында туған. Әл-Фараби атындағы Қазақ Ұлттық Университетінің түлегі. «Арғы жағы Ертістің бергі жағы» жыр жинағының авторы. Дүниежүзі қазақтарының қауымдастығы «Отандастар» қоры мәдениет департаментінің маманы. Ол бірқатар шет мемлекеттерде «Отандастар» қорының жобасымен «Қазақ үйі» мәдениет орталығының ашылуына себепші болып, бірқатар мәдени-рухани бастамаларды жүзеге асырып келеді.
Оның «Арғы жағы Ертістің бергі жағы» атты өлеңдер жинағы туған ерді сүю, отанды қадірлеуді үндейтін отаншылдық рухқа толы шығармалары жинақталған кітап. Т.Тынысбекұлы соңғы жылдары шеттегі қазақтардың мәдениетін насихаттау, ұлттық кодты жаңғыруға қатысты бірқатар жобаларды жасап, іске асырды. Бұл еңбегі «Ұлы даланың жеті қырын» насихаттауғдың бірден бір жолы деуге болады. Тікедей эфирде Т.Тынысбекұлы өз өлеңдеерін оқып, бастамалары жайлы оқырманмен ой бөліседі.

Байланысшы: Аскерхан Ақтай
Тел.:8701183 00 84

• < Артқа
• Алға >