«Яна Абдееваның жарқын әлемі»

27 мамыр сағат 15:00-де А. С. Пушкин атындағы облыстық кітапхананың https://www.facebook.com әлеуметтік желі парақшасында жазушы, ақын, публицист, өз шығармаларының иллюстраторы, 2007 жылдан бастап «Звено Алтая» аймақтық әдеби бірлестігінің мүшесі – Абдеева Яна Борисовнамен онлайн кездесу өтеді. Кездесу Қазақстандағы балалар мен жасөспірімдер оқуына қолдау көрсету жылына арналады.

Яна Борисовна 1966 жылы Өскемен қаласында дүниеге келген. Бала кезінен өлең жазып, сурет салумен шұғылданған. 1992 жылдан А.С. Пушкин атындағы Шығыс Қазақстан облыстық кітапханасында жұмыс істейді. Оқырмандардың көпшілігі оны жауапты әрі адамгершілігі мол кітапханашы ретінде таниды. Қазақстан Республикасы Мәдениет және спорт министрлігінің «Кітапхана ісінің үздігі» медалімен екі рет марапатталған (2015, 2016).
Облыстық, өңірлік және республикалық БАҚ: «Кедр», «Ақ Ертіс = Иртыш», «Мәдениет жаршысы = Вестник культуры», «Рудный Алтай», «Кiтапхана әлемi = Мир библиотеки», «Нива», сондай-ақ ресейлік БАҚ: «Библиотека» (Москва), Библиополе (Москва), Современная библиотека (Москва), «Библиотечная газета» (Москва), «Мир библиографии» (Москва), «Цветная металлургия» (Москва), «Шалтай-Болтай» (Волгоград) мерзімді басылымдарында шығармалары жарияланған. Алыс шетел әдеби журналдарында да туындылары жарық көрген: «Тера Фантастика» (Варна, Болгария), «Культура. Искусство. Литература» (Варна, Болгария).
2020 жылдан бастап "Архив фантастики" ресми сайтында Я. Б. Абдееваның авторлық парақшасы бар.
Біз кездесу барсында балалар оқуы, «Skazzo4ka», «Солнечный круг» және т.б. жайлы қызықты да тағылымды әңгіме өрбітетін боламыз. Ендеше, тартымды автормен онлайн кездесуге Сіз де қосылыңыз.
Байланысшы: Сачкова Юлия
Тел.: 26-13-33

• < Артқа
• Алға >