Өзге тілді қалай үйренуге болады

30 қаңтарда сағат 11.00-де кітапханада Жұлдызай Форт мастер-класс жүргізеді.  Жұлдызай өз бетімен бірнеше шет тілдерін меңгерген.  Осы жетістігі туралы Жұлдызайдың кітапхана  пайдаланушыларымен бөліскенін сұраған едік.

Жұлдызай Форт  Өскемен қаласында тұрады. Саяхаттағанды жақсы көреді, әлемнің түкпір-түкпірінде достары бар.   Қазақ, орыс, ағылшын, неміс, француз, итальян, испан, түрік, швед, грек тілдерін меңгерген.

Негізінен лингвистикалық білімі жоқ, медицина және психология факультеттерін бітірген.  Халықаралық ұйымдарда, шетелдік компанияларда, Алматыдағы  ЮАР Елшілігінде қызмет еткен, аударма жасау ісімен айналысқан.

Мастер-класында  үйде отырып қысқа мерзімде шет тілдерін үйрену, тілдік барьерлерден арылу, мнемотехника дағдылары (есте сақтауды дамыту), шет елдерде стажировкадан өту, шетелдік іскер серіктестерді қалай іздеу керек, сондай-ақ өмірдегі әр түрлі жағдайларға пайдалы кеңестерін ұсынады.

Осы мүмкіншіліктер туралы толық ақпарат береді. Дәріс шет тілдері пәнінің мұғалімдеріне пайдалы болып табылады. Өйткені  мұғалімдердің көпшілігі екі шет тілін оқып оның  бірі ұмытылып қалып жатады. Ондай жағдайда Жұлдызай екінші тілді меңгеруге салыстырмалы әдіс ұсынады.

Өзі туралы Жұлдызай: «Менің туған тілім – қазақ тілі, ата-анам бір ауыз орыс тілін білмесем де, орыс тілді мектепке берді, бір айдан соң мен орыс тілінде сөйлей бастадым. Ал,  мектепті күміс белгіге бітірдім». Алғашында  шет тілдерін, репетитормен, курстарға жазылып оқи бастадым,  бәрі сәтсіз болды.  Тіл үйрететін кітаптармен өз бетіммен үйрене бастағанда ғана жетістіктерге жете бастадым. Ұлымды ағылшын тілін тереңдетіп оқытатын арнаулы мектептен жәй мектепке ауыстырып, өзім үйрете бастадым, нәтижесінде, бүгінгі күні ол да 6 тілде сөйлейді» дейді.

Басқосуда Жұлдызай өз тәжірибесі негізінде заманауи технологияларды пайдалана отырып, шет тілдерін тиімді үйренуді үйретеді. Мастер-кластың ұзақтығы 1,5 сағат.  Анықтама тел.: 26-13-33 ішкі 119 немесе ұялы байланыс 8705173077                                                                                                 

Байланысшы: Рахимбаева Б.С.

• < Артқа
• Алға >