«Қаһарман қыз - Сәбира»: Сәбира Мұхамеджанованы еске алу кеші

10 желтоқсанда А.С. Пушкин атындағы кітапханада Желтоқсан оқиғасының 35 жылдығы, ел Тәуелсіздігінің 30 жылдығына орай желтоқсан құрбаны болған Сәбира Мұхамеджанованы еске алу кеші өтті.

1986 жылы 17 желтоқсанда өз елінің тәуелсіздігін талап етіп, шеруге шыққан жастарға «бұзақылар», «ұлтшылдар», «нашақорлар» деген кінә тағылып, зәбір көрсетілген болатын. Сол оқиғаның алғашқы құрбандарының бірі біздің Сәбирамыз, яғни, Мұхамеджанова Сәбира Есімбекқызы еді.
Еске алу кешінің басты мақсаты – бүгінде 30 жылдығын тойлап отырған ел Тәуелсіздігіне қандай жолмен және кімдердің ерлігінің арқасында жеткеніміз жайлы жастарға айтып жеткізу.
Шара қонақтары: 1986 жылғы жастар толқуына қатысқан желтоқсаншы жерлестеріміз – ШҚО «Желтоқсан – 86» қоғамдық бірлестігінің төрағасы Марат Рамазанов;
- желтоқсан оқиғасын өз көзімен көрген «Желтоқсан қаһарманы» - Оспанова Жанар Көншіқызы;
- Сәбираның әкесі жағынан ағайындас апайы Алматы қаласының тұрғыны актриса, продюсер, диктор Сахариева Балнұр ханым;
- Сәбираның анасы жағынан туысы Астана қаласында тұратын нағашы апайы Хамзина Бақытгүл;
- Сәбира Мұхаметжанованың курстасы, онымен бірге оқыған 28 қыздың бірі - Канапина Әсел Әлмұқанқызы.
Сондай-ақ, қонақтар еліміздің Тәуелсіздігінің 30 жылдығына араналған "Сындарлы 30 жыл, 30 асу" әдебиеттер көрмесімен танысты.

• < Артқа
• Алға >