С Президентом о главном

Кітапханада алғыс айту Күні атап өтілді

Өткен жексенбіде кітапханада   ACCESS халықаралық жобасының  мүшелері  Америкадағы ең негізгі мерекелердің бірі - Thanksgiving Day / Алғыс айту Күнін атап өтті.

Тұңғыш Президент күніне арналған шахмат додасының қорытындысы

29 қараша күні облыстық кітапхананың Жастар интеллект-орталығында Қазақстан Республикасының Тұңғыш Президент күніне орай шахмат ойынынан балалар мен жастар аралығында финал өтті. 

21, 22 қараша күндері іріктеу турнирінде тартысты әрі қызықты ойын өрнегін көрсете білген 8 ойыншы финалға қатысты. Ойын разрядшы шахматшылар мен жетекшісі Нышанбаев Болат Айтбайұлы - спорт шеберінің кандидаты жетекшілігімен ұйымдастырылған «Чемпион» клубының жаңадан шахмат үйренушілері болып екі топқа бөлінді.
Әділ, тартысты әрі қызықты өткен іс-шара 3 сағатқа созылды.

«Әсем әуен» клубының кезекті кездесуі

29 қазан күні «Әсем әуен» клубының кезекті кездесуі өтті. Бұл кездесу қазақ сазының сайыпқыраны, күйші-сазгер, ҚР Халық қаһарманы, дирижер – Нұрғиса Тілендиевке арналды. Кездесу Райымжан Марсеков атындағы мектеп оқушысы Гүлдана Болатованың орындауындағы сазгердің ең танымал әндерінің бірі «Сарыжайлаумен» басталды. Кеш барысында Нұрғиса Тілендиевтің өмірі мен шығармашылығы жайлы толық ақпарат беріліп, слайд көрсетілді. Қатысушылармен бірге композитордың бірнеше әндері шырқалды. 

Мерекелеріңізбен!

Құрметті пайдаланушылар!
Сіздерді Тұңғыш Президент Күнімен құттықтаймыз!
Баршаңызға бейбітшілік, жаңа жетістіктер мен игі бастамалар тілейміз!
Елбасымыздың сарабдал саясатының арқасында Отанымыз - Тәуелсіз Қазақстан дамып, өркендей берсін!
30 қараша - демалыс күні
1 желтоқсан - мерекелік демалыс.