Кітапхана – мейірім аумағы

1 қазан күні А.С. Пушкин атындағы Шығыс Қазақстан облыстық кітапханасы жыл сайын өтетін қайырымдылық айлығын бастайды. Дәстүр бойынша Қарттар күніне арналған мереке мейірім айының бастауы болады. Мерекеге орай аға буын оқырмандар мен кітапхана ардагерлерін сағат 14.00-де әдеби-музыкалық қонақжайға ән-жыр, қызықты байқаулар, викториналар мен мерекелік шай дастарханына шақырады.

Осы күні сағат 15.00-де кітапханада «Жомарт күз» саяжай жетістіктері жәрмеңкесі өз жұмысын бастайды. Егер сіз өз еңбектеріңіздің жемістерімен, рецепттерді өсіру мен консервілеудің құпияларымен бөліскіңіз келсе, есік ашық!
Ай көлемінде кітапхананың оқу залында «Тәні саудың – жаны сау!» атты кітап экспозициясы жұмыс істейді. Көрмеде сұлулық пен жастыққа, денсаулық пен ұзақ өмір сүруге арналған рецепттер бар әдебиеттер ұсынылған. Сонымен қатар, оқырмандарды позитивті, мотивациялық кітаптардың таңғажайып таңдауы күтеді.
Қазан айында «Фильм тамашалап, кітап оқы» кинозалы "Қозы Көрпеш – Баян Сұлу", "Қыз Жібек", "Барышня-крестьянка", "Дубровский", "Джен Эйр", "Разум и чувства" классикалық туындыларының экрандалуын көруге ұсынады. Репертуарында қазақ, орыс, ағылшын, неміс, француз тілдеріндегі киноромандар бар жанды, лирикалық, терең және дана фильмдерді тамашалап рахаттаныңыз.
Сонымен қатар, кітапханада ақысыз компьютерлік және Интернет курстарынан өтуге болады. Электронды каталогта өз бетінше іздеуді үйрену, электронды үкіметпен және басқа да сервистермен жұмыс негіздерін меңгеру. Сондай-ақ, пайдаланушыларға кәсіби заңгер мен психологтың консультативтік көмегі ұсынылады.
Жақсы сөз, дана кеңес, күлімсіреу - бұл қайырымдылық, бұл жүректің рақымы және кітапханашылар өз оқырмандарымен жомарттықпен бөліседі. Себебі кітапхана – шын мәнінде жақсылық мен мейірімнің аумағы. Қайта-қайта оралғыңыз келетін орын. Білімге, қарым-қатынасқа, сезімтал көзқарасқа, адамның жылуы мен мейіріміне оралу. 

Байланысшы: Марина Максимова,
тел.: 87053180950

• < Артқа
• Алға >