«Мұхтар Әуезов шығармалары суретшілер көзімен» шығармашылық байқаудың қорытындысы

28 қыркүйек күні сағ 11.00-де А.С. Пушкин атындағы облыстық кітапханада «Мұхтар Әуезов шығармалары суретшілер көзімен» атты облыстық шығармашылық байқаудың қорытындысы өтеді.

Байқау қазақ әдебиетін әлемге танытқан ұлы ғалым-жазушы, көркем ойдың алыбы, қазақ драматургиясының іргетасын қаласқан тұңғыш драматург, әлем әдебиеті классиктерінің туындыларын аударған аудармашы, ұлағатты ұстаз Мұхтар Омарханұлы Әуезовтің 125 жылдық мерейтойына арналады.
Суретшілер арасында өткізіліп отырған байқаудың - ұлттық құндылықтар мен қазақ әдебиетін насихаттау, М.Әуезов шығармашылығын зерделеу және зерттеу, оны келер ұрпаққа жеткізу, дарынды жерлестерімізді қолдау.
Ұсынылған суреттер байқау мақсаттарына, міндеттеріне сәйкес, «Әлем таныған Әуезов» тақырыбын ашуға бағытталған. Байқауға облысымыздағы танымал суретшілер қатысып, өз жұмыстарын ұсынуда. Ережеге сәйкес жұмыс кенепте, қағазда немесе картонда кез-келген техникада (акварель, гуашь, пастель, май, тушь және басқа материалдар) орындалады.
Жұмыстар 1 маусымнан 10 қыркүйекке дейін қабылдануда. Келіп түскен суреттерден ұйымдастырылатын жұмыстар көрмесін 28 қыркүйек – 28 қазан аралығында кітапханадан тамашалай аласыздар.
Аталмыш шарада байқау жеңімпаздарына арнайы дипломдар, қалған барлык қатысушыларға сертификаттар табысталады.
Барша өнерсүйер қауымды сурет көрмесінің ашылуына шақырамыз. Заңғар жазушы М.Әуезовтің шығармашылығын суретшілер көзімен тамашалап көріңіздер! Біз сіздерді күтеміз!

Байланыс тел.: 26-13-33

• < Артқа
• Алға >