Мәртебелі қонақтар кітабы

А.С. Пушкин атындағы облыстық кітапхана ұжымына толайым табыстар тілеймін. Кітап қоры толыға берсін әрдайым! Ақберен Елгезек 24.09.2020 ж. Қазақстан Жазушылар одағы басқарма төрағасының бірінші орынбасары

А. Пушкин атындағы кітапхана ұжымына үлкен шығармашылық табыстар зор бақыт тілейміз. Темірдей денсаулық, жемісті еңбек тілейміз. 29.05.2019 ж.    Пушкин кітапханасына мың алғыс, ризамыз, шығармашылық табыс тілейміз. 29.05.2019 ж.

Мен, Манкей Турдыханұлы кітапханаға алғаш рет келіп, көп мәлімет алып, риза болдым! Баян-Өлгей елінен келген шығармашылық топты жарқын жүзбен қарсы алған сіздерге шынайы ризашылық білдіреміз!

Халық жазушысы Әзілхан Нұршайықов шығармалары халқымыздың рухани байлығы. Пушкин атындағы кітапхана Әз-аға кітаптарын жас оқырманның жүрегіне жеткізеді деген сенімдемін! Шаймардан Қалиасқаров

Мені Сіздердің кітапханаларыңыз ашықтығымен, білімділігімен таңдандырады. Сіздерде шынайы таланттар, нағыз кәсіби мамандар жұмыс істейді. Сіздерге сәттіліктер мен жетістіктер тілеймін! Халыққа білім нұрын таратуда қажырлы болыңыздар! Құрметпен, сіздердің Роллан Сейсенбаевтарыңыз

Мен сіздердің кітапханаларыңыз туралы көп естідім. Маған сіздердің энтузиазмге толы істеріңіз, қызметкерлер мен әкімшіліктің ашықтығы ерекше әсер қалдырды. Сіздерге барша жақсылықты тілеймін. Өз істеріңізді одан әрі жалғастыра беріңіздер! Рима Купрайт, бағдарламалар менеджері Ашық қоғам Институты, Будапешт

А.С.Пушкин атындағы кітапхананың дарынды кітапханашыларына.   Сіздер өз халықтарыңыз бен тұрғындарыңызға қызмет көрсете отырып, қияли да ауқымды жұмыс атқарасыздар. Сіздермен Американдық бұрышта бүгін және келешекте  жұмыс істеу мүмкіндігі – үлкен мәртебе. Мэри Нелл Брайан, АҚШ Мемлекеттік Департаментінің бағдарламалар маманы

Қазақтар: «Ағасы бардың – жағасы бар» деген. Яғни, бұл қорғаушың, қамқоршың, тірегің, сені ойлайтын адамың бар деген сөз. Біз туған жерден қанша қашықта болсақ та, Қазақстан бізге әрдайым пана, әрі тірек болады. Алла бізге күш беретін, осы тарихи отанымызды сақтасын. Біз, Монғолияның Баян-Өлгей округінің мұғалімдер тобы, А.С. Пушкин атындағы кітапхананың қызметкерлеріне қонақжайлылығы, игілігі, өзіміз қатысқан семинар барысында берген жаңа білімдері үшін алғысымызды білдіреміз. Ата-бабамыздың Отаны өркендеп, гүлдей берсін! Ал біз, сағынышпен, жыл құсы тәрізді сіздерге қонаққа келіп тұрамыз. Монғолияның мұғалімдер тобы

Құрметті достар, Өскемен қаласында Қазақстандағы Америка бұрышының қызметкерлерімен ұйымдастырылған конференция аясында өткізілген екі күнім өте жемісті болды. Сіздердің кітапханаларыңыз -   елдеріңіздің болашағына жасалған үлкен қадам. Сіздердің аймақтарыңыздағы бағдарламалар бойынша өздеріңізбен серіктестікте болу – үлкен мәртебе.  Мен өз әріптестеріммен бірге осы шараны ұйымдастырғандарыңыз үшін алғысымды білдіремін. Мен мұнда тағы да келіп, балық ауласам деймін. Тек жақсылықта кездесейік.                                                                  Виктория Слоан, қоғамдық байланыс бөлімінің кеңесшісі      АҚШ-ң Қазақстандағы Елшілігі 30.05.2007ж.

Кітапхана қабырғасында аса жарқын жүзбен қарсы алатындықтарыңызға алғысымды білдіремін. Біздің ары қарайғы қарым-қатынасымыз Француз оқу залын дамыту аясында да жалғасады деген үміттеміз! Кітапхана жұмысына сәттілік тілеймін!  Гвен Ле Готт,  Француз Елшілігінің мәдениеті бойынша атташе  28.03.2006 ж.

Мен А.С. Пушкин атындағы кітапхананың директоры мен қызметкерлеріне сіздердің қалаларыңыз бен кітапханаларыңызды көруге мүмкіндік жасағандарыңыз үшін алғысымды білдіргім келеді. Келешекте тек қана сәттілік тілеймін. Британ елшілігінің өкілі 18.03.2006ж

Поляк кітаптарының көрмесін ұйымдастырып, Халықаралық Абай клубымен кездесуге мүмкіндік жасағандарыңыз үшін үлкен алғысымды білдіремін. Үлкен табыс тілеймін, келесі жүздескенше! Польша Республикасының  Қазақстандағы төтенше және өкілетті елшісі Владыслав Соколовски әйелімен 20.10.2005 ж.

Мені кітапхананың бай қоры таңғалдырды. Барлық үш: Неміс, Француз, Америка залдары оқырмандарыңыз үшін әлем тілдерін терең меңгеруге жол ашады. Кітапхана қызметкерлеріне алғысымды білдіремін. Олар менің арманымды жүзеге асыруға көмектесті. Анн Шабо, Франция Елшілігінің машықтанушысы 13.06.2004 ж.

Сіздің жұмысыңызға тамсандым! Сіздің ұжымыңызға амандық, денсаулық, көп қайырымды оқырман тілеймін! Дариға Назарбаева 21.06.2003 ж.

Директор Ақжігітоваға. А.С. Пушкин атындағы кітапханаға келуге мүмкіндік жасағаныңыз үшін Сізге көп рахмет. Сіз және Сіздің қызметкерлеріңіз Өскемен мен Шығыс Қазақстанның халқына көмектесуде. Біз Сіздердің қонақжайлылық пен достықтарыңызға өте қуаныштымыз және алғысымызды айтамыз. АҚШ-ң Қазақстандағы елшісі  13.06.2002 ж.

Ағылшын тілінің мұғалімдеріне арналған керемет конференция ұйымдастырғандарыңыз үшін рахмет. Келешекте сіздердің аймақтарыңызда Америка бұрышы ресурсын әрі қарай дамытып, ағылшын тілін насихаттауға бірлесе ат салысамыз деген үміттемін. Патрисия Экстеп, ағылшын тілін дамыту бойынша маманы  АҚШ елшілігі  28.03.2001 ж.

Кітапханаларыңызбен таныспай тұрып, мен сырттай сіздердің ізденімпаздықтарыңызға таңданатынмын. Өскемен қаласындағы А.С.Пушкин атындағы кітапхана – Орта Азия мен Қазақстанның өзге кітапханалары үшін шабыт көзі болып табылады. Қазақстанның ағылшын тілі мұғалімдерінің (NATEK), Ұлттық ассоциациясына өткізілген жыл сайынғы конференцияларыңыз бен NATEK-пен қызметтес болып, қолдау көрсеткендеріңізге  көп рахмет. Ізгі тілекпен, АҚШ Елшілігінің ағылшын тілін дамыту бойынша маманы Рут Петзольд, 26.03.2001 ж

А.С.Пушкин атындағы кітапхананың еңбекқор адамдары Қазақстанның болашағына өз үлестерін қосуда. Мен сіздердің жігерлеріңізді, жігерлеріңіздің нәтижесін мақтаныш етемін. А.С.Пушкин атындағы кітапхана -  Қазақстанның өзге кітапханалары мен ұйымдары үшін шабыт көзі және адал, мейірімді жандар өзі үшін де, елі үшін де жақсылық жасай алатындығының толық дәлелі. Сіздердің құндылықтарыңыз – елдеріңіздің дамуына қосқан үлестеріңіз, мен осының барлығын өз көзіммен көргеніме өте бақыттымын.  Еңбектеріңіз жемісті, әрі нәтижелі бола берсін! Стивен  Вебстер,   Халықаралық білім (ACTR\ACCELS) бойынша Америка кеңесі уәкілдігінің директоры 11.10.2000 ж.

Өскемен қаласының А.С.Пушкин атындағы кітапханасының әкімшілігі мен қызметкерлеріне: сіздер ойды дамытатын әдебиеттерге байсыздар. Бұл үлкен артықшылық. Адамдарға кітап арқылы білім бере отырып, ғанибетке бөлене беріңіздер. Уильям Д. Бонтругер 20.02.2000 г.

Кітапхана - қоғам дамуының қайнар көзі болып табылады. Кітапхана қызметкерлеріне сәттілік пен бақыт тілеймін. Х. Мицухаси Жапония елшісі 07.04.1999 г.

Кітап музасына қызмет етушілерге алғысымызды білдіреміз! Сіздердің кітапханаларыңыз – білім мен мәдениет жарығы! Калихан Искаков, Дидахмет Ашимханов, Серик Асылбеков, Нурлан Маукенов 15.10.1998 г.

«Пушкинканың» қымбатты қызметкерлеріне аса құрметпен, алғыспен Серікбаевтар әулетінен. Сіздердің адал, игі істеріңізге, мүдделі еңбектеріңізге таңданбау мүмкін емес. Сіздер адамдарға – жарық, білім, мәдениет яғни, қуаныш сыйлайсыздар. Бұл – ұлы міндет. Ол құрметті, әрі ауыр, бірақ мәртебелі іс. Бұл барлық жағынан сезіледі.  Сіздерге бақыт, қуаныш, еңбектеріңізге жеміс тілейміз. халықаралық білім беру (ACTR\ACCELS)  бойынша Американдық кеңес өкілдерінің директоры Стивен ВЕБСТЕР 24.09.1998 ж.

Кітапхана тарихы

Біздің кітапхана 1896 жылы 20 наурызда халыққа білім беру жөніндегі қамқорлық Қоғамының бастамасымен құрылды, оның құрамына алдыңғы қатарлы қалалықтар мен саяси жер аударылғандар кірді. Ол кезде кітапхана «Өскемен халықтық ақылы кітапхана-читальня» деп аталды. Сол кезден бастап, сол бір кезеңдегі кітаптардың титулды парағында кітапхана атауымен бірге «1896ж» штампы қойылған. Алғашқы кітап қоры Қоғам мүшелері Костюрин, Федоров, Гинтов, Михаэлис, Емельянов, Федоров, Вестениус және т.б. жеке кітаптарынан құрылды. Алғашқы кітапханашы облыстық Сауда банкінің бухгалтері П.Ф.Столбов болды. Кітапхана алғашында қалалық басқармада, сонан кейін Халық Үйіне көшірілді. (қазір облыстық Жамбыл ат. драма театры).

1914 ж. Бірінші дүниежүзілік соғыс қарсаңында кітапханада 2000 таяу кітап болды. Кітапхананы пайдалану үшін 50 теңге пұл – ақы алынғандықтан оқырмандар қатары шектеулі еді. 1920 жылы кітапхананың кітап қоры 5000 данаға дейін өсіп, пайдалану ақысыз болды. Осы жылдары кітапхана драма театрының екінші қабатындағы оқу залына, жаңа бөлмеге орналасты. Бұл жерде оқырмандарға 1936 ж. дейін қызмет көрсетілді. Қалалық газет 1920ж. 11 қарашада « Қалалық кітапханаға жазылушылар саны күннен – күнге өсуде» - деп жазып, Өскемен уезіндегі кітап тапшылығын атап көрсетті.
Біздің кітапханаға Александр Пушкин есімінің берілуіне қала қауымдастығы өтініш берген. 1937 жылы 19 тамызда Өскемен қалалық советінің президиумы қалалық кітапханаға ұлы ақын есімін тағайындауға қаулы қабылдады. Ал, екі жылдан кейін Шығыс Қазақстан облысы Семейден бөлініп шыққаннан кейін, кітапханаға облыстық кітапхана статусы берілді.

Ұлы Отан соғысы жылдарында және соғыстан кейінгі жылдары кітапхана бірнеше мәрте бір жерден екінші жерге ауыстырылды, бірақ оның есігі оқырмандарға үнемі ашық болды. Тек 1983 жылы 29 желтоқсанда кітапхана қала орталығындағы қазіргі заманға сай әсем ғимаратқа келіп тұрақтады, күні бүгінге дейін өз оқырмандарына қызмет көрсетуде.

Қазір біздің кітап коллекциямыз 400 мыңнан астам дананы құрайды. Оқырмандардың жаңа ақпараттық технология жетістіктерін - медиа және интернет ресурстарды, шет тіліндегі әдебиеттерді , энциклопедия, сөздіктер мен анықтамалықтар коллекцияларын, дәстүрдегі және электрондық тасымал құралдарын пайдалану мүмкіндігі бар. Кітапхананың көптеген жобалары халықаралық ұйымдармен және қорлармен серіктестік байланыста жүзеге асырылады: АҚШ, Франция, Германия Елшілігі, Ашық Қоғам Институты, «Евразия», «Сорос-Қазақстан» т.б. Біздің кітапхана - Шығыс Қазақстан облысындағы негізгі ақпараттық және мәдени орталық. Кітапхана жылнамасы толықтай...

Қосымша ақпарат қажет болса мына адреске хабарласыңыз: This email address is being protected from spambots. You need JavaScript enabled to view it. немесе тел.: 261-333.

Құжатты электронды жеткізу қызыметі

Біздің кітапхана өз қорынан және Қазақстан мен жақын шетел кітапханаларының қорынан құжаттардың электронды көшірмесін жеткізуді жүзеге асырады. Тапсырыс кітапханада Тапсырыс орталығында (2 қабат, каталог залы) ресімделеді немесе сайтта тапсырыс формасы толтырылады.
Облыстық кітапхана қорынан құжатты электронды жеткізу /ЭДД/ тегін жүргізіледі. Тапсырыс басқа кітапханалардың қорынан орындалған жағдайда бағасын жабдықтаушы кітапхана белгілейді.

 
ЭДД қызметіне келісім-шарт жасалған кітапханалар тізімі

Қазақстан Республикасының Ұлттық кітапханасы (ҚР ҰК) - http://www.nlrk.kz Электронды каталогы 1994 жылы құрылған. ҰК қорынан журнал және газет мақалаларына, авторефераттарға, монографияның жекелеген беттеріне тапсырыс беруге болады.

Қазақстандық ұлттық электронды кітапхана (КазҰЭБ) – http://www.kazneb.kz ҚР ҰАК каталогтарына Қазақстан Республикасының Ұлттық академиялық кітапханасының қорына баспа және электронды ресурстар енгізілген. Каталог мынандай тақырыптық каталогтардан тұрады: «Кітаптар», «Медиатека», «Мұнай және газ», «Шет тіліндегі әдебиеттер», «Авторефераттар мен диссертациялар». «Е-көшірме» бөліміне үш каталог енгізілген: «Мәдени мұра», «Қазақстан», «Қазақстан кітапханаларының сирек басылымдары». Заңды түрде шектеу қойылмаған басылымдарды толық басып алуға болады.

Национальный центр научно-технической информации Республики Казахстан - http://www.inti.kz (массивы документов и сведения о национальных, республиканских, целевых, отраслевых, межотраслевых, региональных научно-технических программах и программах фундаментальных исследований, завершенных НИР и ОКР, защищенных диссертациях, депонированных рукописях научных работ, научно-технических разработках и производственном опыте РК.

Ресей Ұлттық кітапханасы (РҰК) - http://www.nlr.ru Электронды каталогта машинамен оқылатын библиографиялық жазбалар жинақталған (БЖ) басылымдардың мынандай түрлеріне: орыс тіліндегі басылымдар 1708-1800, 1826-1900, 1918-1926 гг., 1980 ж.бастап бүгінгі күнге дейін, диссертация авторефераттары 1980 ж. бастап.

Қоғамдық ғылымдар бойынша ғылыми ақпарат институты (ИНИОН) - http://www.inion.ru Әлеуметтік және гуманитарлық ғылымдар бойынша библиографиялық дерекқор, 1980 жылдан бастап жүргізіледі. Әлемнің 140 тілінде аннотациясы берілген кітаптар мен журналдардың, жинақтардың сипаттамасы жинақталған.

Ресей Ғылым Академиясы Сібір бөлімшесінің Мемлекеттік көпшілік ғылыми-техникалық кітапханасы - http://www.spsl.nsc.ru Ғылыми, өндірістік-техникалық және оқу әдебиеттерінің бай жинағы. Өңірлік салалық библиографиялық дерекқорлардың тұтас жүйесі енгізілген.

Ресей Ғылым Академиясының жаратылыстану ғылымдары бойынша кітапханасы (БЕН РАН) - http://www.benran.ru Жаратылыстану және нақты ғылымдар жөніндегі ресейлік және шетелдік әдебиеттер, сонымен бірге техникалық, медициналық және ауылшаруашылығы ғылымдарының теориялық мәселелері жөнінде. Ресейде 1973 жылдан бері шыққан ғылыми әдебиеттердің бай жинағы.

Құжаттарға осы жерден сұраныс бере аласыз.

Француз оқу залы

2 - қабат, № 29 кабинет

Француз әдебиеттерінің залы аристократтар тілін ұнатушыларды шақырады. Француз тілін үйренушілер әр жексенбі күні (сағ.10.00-11.00 арасында) тіл үйренеді, «Франкофондар клубы» жұмыс істейді (сағ. 15.00 бастап).

Тел.: 261-333