Жүректен жүрекке

Елордамыздың туған күні қарсаңында біз "Алтай" қайырымдылық қорына барып қайттық.  Осында тәрбиеленіп жатқан балаларға кітап апардық. Бұл кітаптарды балалар жыл көлемінде оқиды, оқып біткенде кітапхана жаңа кітаптар  апаруды жоспарлап отыр. 

Біз оларға кітап апарып қана қоймай, "Жүректен жүрекке" қоғамдық қорымен бірге көтеріңкі көңіл-күй сыйладық. 

Кітап білім және мәдениет  көзі ретінде мейірімділікке сенетіндерді біріктіреді. "Алтай"  қорының тәрбиеленушілері өздерінің кітапхана бұрыштарында біз әкелген жаңа кітаптарды әдемілеп жинастырып, басылымдарды қызығушылықпен парақтай бастады.  

Дидар,  «Алтай» қорының тәрбиеленушісі:

-Мен кітап оқығанды жақсы көремін, Ал, мұнда ертегілер де  қызықты әдебиеттер де көп екен.   

Нургуль Кудайбергенова, кітапхананың бас маманы:

- Балалардың кітаптарды қарап оқуға қызығушылықтарын көру өте қуанышты. Кітап оқу бала бойындағы барлық жақсы қасиеттерді қалыптастырады. 

Абенова Бахтина Калмакпаевна, кітапхана директорының орынбасары  қор тәрбиеленушілерін кітапханаға қонаққа шақырып, біздегі үйірмелер, шет тілдерін үйрену курстары жайлы әңгімелеп берді.

Укасов Меир Аргембекович, «Алтай» қайырымдылық қоры директорының орынбасары:

- Біз кітаптар үшін кітапханаға алғысымызды білдіреміз, өйткені біздің кітапханамыздағы  кітап қоры біраз жаңаланып қалды.  Балаларымызға баға жетпес сыйлық жасап жатыр. Кітап дегеніміз ақыл мен білімнің қазынасы.  Волонтерлер балаларымызға арнайы мерекелік бағдарлама дайындап әкеліпті. Бәріміздің көңіл-күйіміз көтеріліп қалды. 

Балалармен кездесуге Өскемен Орталық мешітінің бас имамы  Жұмабеков Бауыржан  Нүзбекұлы келді.:

- Қазір мұсылмандарда киелі рамазан айы өтуде.Барлық жандар бір-біріне мейірімділік танытып, қайырымдылық жасауда. Ал, ақиқат сөздің барлығын кітаптан оқып білуге болады.  Балаларға айтар ақылым, олар ата-бабаларымыз салып кеткен ізгі жолмен жүріп,  әрқашан жандары  таза болсын.   

  Байланысшы : Жансая Ашкенова  тел:2613 333

• < Артқа
• Алға >