«Өр Алтай, асау Қалжыр, Қара Ертіс»

Бүгін Шығыс Қазақстан облыстық А. С. Пушкин атындағы кітапханаға зейнеткер, ұстаз Макен Мешелқызы қонаққа келді. «Өр Алтай,асау Қалжыр, Қара Ертіс» атты кітабын сыйға тартты.

Ұрпақтарым есейіп,
«Әжеміз қандай»-дегенде
Ой түйінім өрнегім
Сөзімнен тұрсын көрініп.- деп автор жырлағандай, бұл кітапта әлемді таңырқатып отырған Мұзтау, Рахман қайнары, Берел қорымы, Марқакөл, Қара Ертіс, Нұр Зайсан, Қалжыр өзені сияқты ғажайыптарды жаза келе, осы ғажап аймақтың тарихына, табиғат ерекшелігіне тоқталған. Қожанбет және төртуыл, тоғыз руларының шежіресі де осы кітапта топтастырылған.
Еліміз қандай ? Жеріміз қандай? Еліміздің өткенінде қандай тарих бар, не сыр бар,-дегенді білуге әр адам құмар. Бұл
сұрақтың кілті-осы кітапта. Жастарымыз өз ұлтының әйгілі адамдарын, олардың істерін, сөздерін біліп, оны ұғынып, жадына сіңіруі қажет. Кешегі күннің шежіресін шертетін, зерделі қарияларымыз да азайып бара жатыр, сондықтан бүгінгі күні оқырманға жол тартатын бұл кітаптың маңызы ерекше.

Уалханова Р. Н.

• < Артқа
• Алға >