Біздің жаңа достар

14 қазан күні кітапхананың бір топ кітапханашылары Жібек маталар комбинаты ауданында орналасқан Өскемен қаласы әкімдігінің «15 «Рахат» балабақша-бөбекжайы» КМҚК-сына барып қайттық. Мақсатымыз осы балабақшамен келісім-шарт жасасып, балабақшадағы білім беруде тәрбиешілерге қашықтықтан қызмет көрсету, бірлесе отырып кітап сүйер жас оқырмандар қалыптастыру, қызықты іс-шаралар мен жас ата-аналарға бала тәрбиесі туралы мол мағлұмат беретін клубтар ұйымдастыру. Кездесуіміз қызықты да, маңызды болды деп ойлаймыз. Семинар барысында  кітапхана сайтымен (www.pushkinlibrary.kz) және ондағы мектеп алды тәрбие жөніндегі ресурстармен, кітапханадағы үйірме және клубтармен таныстырылды.

Балабақшада ағылшын тілін жүргізу жайлы шеберлік-сабақтары көрсетілді. Кітап көрмесі жасалды. 44 кітап, 27 журналы бар қазақи қоржын жылжымалы кітапхана қызметі ретінде осы балабақшаға 1 ай мерзіміне қалтырылды. Нәтижесінде 21 тәрбиеші кітапханамыздың оқырманы болып жазылды. Балабақша директоры Капезова  Сара Баймұханқызымен екі жақты келісім шартқа қол қойылып, енді осы  мекемемен тығыз жұмыстар атқаратын болдық. Жыл соңына дейін осы балабақшада біздің кітапханамыздың бұрышы ашылатын болды. 

• < Артқа
• Алға >