Осинов асуы, Қиын-Керіш шатқалы, Невзоровтар отбасы атындағы бейнелеу өнері мұражайы, Жоңғар бекінісі сияқты т. б. көпшілік біле бермейтін өлкеміздің ғажайып орындарымен осы көрмеден оқып білуге болады.
Америка мәдени орталығының мамандары қонақтарды онлайн-тілдесуге шақырды. Егер сіз алыс аймақта тұрсаңыз, кітапханаға келмей Интернет арқылы хабарласып өз тапсырыстарыңызды жібере аласыздар.
Кітапхананың бас маманы Құдайбергенова Нұргүл кітапхана сайтымен, қызметі мен ресурстарымен таныстырып өтті.
Ұстаздарға заманауи кітапханамыз өте ұнады.
Кабасов Сырым Шаріпханұлы, Зайсан қаласы технитер Үйінің үйірме жетекшісі:
- Маған робототехника үйірмесі қатты ұнады. Әрине, біздің мұндай жабдықтарды сатып алуға мүмкіндік жоқ, дегенмен бағдарлама жасау үйірмесі туралы ойлануға болады. Бізде балаларға осындай үйірмелер ашқымыз келеді. Енді интернет арқылы кітапханамен байланысып тұратын боламыз. Бізде осындай заманауи , жаңашыл кітапхананың болғаны өте керемет.
Бралинова Кульшарат Калькеновна, музыка пәнінің мұғалімі. Катон-Қарағай:
- Осындай ресурстарды пайдалану мүмкіндіктерімен танысқаныма өте қуаныштымын. Музыка пәнінен әдебиеттер өте көп екен. Барлығын үйге алуға болады, бұл өте қуантарлық жайт.
Баекина Маржан, музыка пәнәнің мұғалімі, Ұлан ауданы:
- Кітапхана сайтымен егжей-тегжейлі толық таныстырды, өте керемет. Кітапхана сайтында ақпараттар өте көп. Бұл дегеніміз, үйде, жұмыс орынымызда отырып, ақпараттарды алуға мүмкіндігіміз бар. Абай шығармашылығынан «Біздің Абай» http://irbis.pushkinlibrary.kz толықмәтінді электрондық кітапханасымен таныстық.