Дина Мухамедхан. Кітапханада онлайн-кездесу өтті.

Біздің кітапханада биыл 100 жылдық мерейтойын атап өткен абайтанушы, ғалым Қайым Мұхамедхановтың қызы Дина Мұхамедханмен онлайн кездесу өтті. Кездесу қонақтары кітапхана бөлімдерімен танысты. Онлайн транцляцияға Семей, Зайсан қалалары, Қасым Қайсенов кенті, Жаң Шүлбі және Абай ауданынан Қарауыл ауылы қатысты. Мәжіліс залында Дина Мұхамедханқызын ҚАЕУ және Құмаш Нұрғалиев атындағы колледж студенттері, ақын-жазушылар қошеметпен қарсы алды.

Дина Мұхамедхан – Алматы қаласындағы Қайым Мұхамедханов атындағы Білім және мәдениет қоғамдық қорының директоры. Д. Мұхаметханқызы абайтанудың негізін салушы, ғалым-шәкәрімтанушы, Қазақ ССР-і мемлекеттік гимнінің сөзін жазған автордың әдеби мұрасын сақтау және есте қалдыру ісімен айналысады, жастармен, студенттермен жиі кездесіп, әкесі жайында терең әңгімелейді. Әкеміз «Бақыт дегеніміз – еркіндік, адал сөйлеу және ештеңеден қорықпай өмір сүру. Тек осылайша өмір сүру керек! Мұның адам өміріндегі маңызы зор». «Өтірік айтудан, алдаудан аулақ болыңдар. Тәртіпті, тәрбиелі, байыпты адам болыңдар». - деген өсиет сөздерін қалдырды. - дейді Д. Мұхамедхан.
Дина Мұхамедханның педагог ретіндегі пікірі - жастардың бойында адамгершілік, азаматтық ұстанымдарды терең қалыптастыру үшін, оларға биік демократиялық құндылықтар, өткен кезеңнің тарихи оқиғалары, саяси тұтқындар тағдыры, алдыңғы ұрпақ бастан кешкен тән мен жан азабы жайында жиірек әңгімелеу керек.
Дина Кайымқызы тілшілердің сауалдарына жауап берді.

Байланысшы: Жансая Ашкенова,тел.: 261 333, шкі.119

• < Артқа
• Алға >