"Қыз - болашақ АНА "

3 қараша күні «Қызым саған айтамын...» клубы аясында «Қыз болашақ – АНА!» атты өте әдемі де, маңызды сырсалу кеші өтті.
«Ақылды қыз білімге жүгінер, ақымақ қыз сөзге ілінер» дегендей, қазақ қызын абыройсыздықтан сақтаумен қатар қыз тәрбиесі төңірегінде туындап жатқан көптеген мәселелер кездесуге келген «Ана үйі» мамандары Нәйлә Оңғарбаева, Думан Мұхамбетова және кітапхананың аға буын кітапханашылары Уалханова Рахия Нұралықызы, Слямова Зиза Мұхтарханқызы, Перкова Гульнар Қайырбековналармен бірге қызу талқыланды.

«Ана үйі» қоғамдық ұйымынында тұрып жатқан, кездесуге өзінің кішкентай қызымен келген Айнұр атты қонағымыз өмір жолын баяндап, қыздарға өз ақылын айтты.
Кездесу барысында «Сәби болғым келмейді» деп аталатын бейнежазба көрсетілді. Мұнда балалар үйіндегі тастанды балалар туралы және дүниеге келген әр баланың бақытты болуға хақы бар екендігі туралы баяндалған. Бұл видеоны көріп көзіне жас алмаған қонақтар болмады.
Сырласу кешімізде сөз алған әрбір жанашыр аналарымыздың, құрбыларының, мамандардың айтқан ақылынан, талқыланған оқиғалардан кездесуге келген әр қызымыз сабақ алып, «қазақ қызы» деген ғажап атқа дақ түсірмейді деген ойдамыз. Кеш соңында қонақтарымыз осы тақырыпта дайындалған кітап көрмесімен танысты.

Байланыс тел.: Валентина Райхель,261 333, ішкі.119

• < Артқа
• Алға >