Абай есімі мәңгілік

Еліміздің даму тарихында орны бар мемлекет және қоғам қайраткерлерінің есімдерінің өңіріміздегі мектептер мен басқа да мекемелерге берілуі қуантады. Мұның жас буынды елшіл, мемлекетшіл рухта тәрбиелеудегі мәні өте зор. Сондай-ақ, бұл Тәуелсіздігіміздің 25 жылдық мерейтойы аясында тұрғындарымызға ерекше тарту болды. «Өткенін білмей, болашақ болмас» дейді дана халқымыз.

Бүгінгідей ел үшін елеулі күні біз ұлт пен ел тәуелсіздігі жолында ғасырлар бойы  армандаған ақындарымыздың еңбегі бағалануда. Ұлт зиялысы Ахмет Байтұрсынұлының «Өлмейтін адам емес, өлмейтін оның атағы» деген ойлы сөзі бар. Жуықта «Шығыс «ауылындағы №  33 мектепке  халқымыздың біртуар азаматы ақын  Абай Құнанбаевтың есімі берілген  болатын.

Мектепке Абай  Құнанбаев есімі беріліп жатқан соң ақпараттық қолдау жасау мақсатында  Абай Құнанбаев атындағы № 33 мектептің мұғалімдері мен оқушылары 3 желтоқсан күні А. С. Пушкин атындағы кітапханада «25 жұлдызды күн» іс-шаралары аясында «Абай және тәуелсіздік» атты семинарға қатысты.  Анықтама-библиографиялық бөлімнің бас библиографы Уалханова Рақия Нұралықызы кітапхана тарихымен таныстырып, кітапхана бөлімдеріне экскурсия жасады. Құдайбергенова Нұргүл кітапхана сайтымен, ұстаздарға арналған интернет ресурстармен таныстырып, оқушыларға кітап оқудың 23 пайдасы туралы слайд көрсетіп, әлеуметтік желілердің зияны туралы мағлұмат берді. Жайлибаева Меруерт «Біздің Абай» атты электрондық кітапхана туралы жан-жақты түсінік беріп, іздеу жолдарын үйретті. Келген оқырмандардың көпшілігі кітапханаға жазылып оқырман атанды. Қонақтар алдағы уақытта үнемі әріптестік байланыста болып, кітапханада әртүрлі шаралар жүргізуге өз тілектерін білдірді.

• < Артқа
• Алға >