Балаларды кітап оқуға тарту басты мәселе

8 ақпан күні біздің кітапханада мектеп кітапханашылары мен қала мектептерінің әдебиет пәні мұғалімдері «Заманауи әлемдегі балалар оқуы» шығармашылық шеберханасына қатысты. 

Бұған дейінгі шығармашылық шеберхана өткен жылдың қыркүйек айында Людмила Степанованың қатысуымен өткен болатын. Осы шығармашылық шеберханада Ленинград облыстық балалар кітапханасының бас маманы Л.В. Степанова өзінің ары қарайғы жоспарларымен бөлісті. Оның пікірінше, біздің өскелең ұрпақ әлемдік балалар әдебиетінен сусындап өсуі қажет және «Кедергісіз оқу» жобасының маңыздылығы да сол деп көрсетеді.
Біздің кітапхана қызметкерлері кездесу барысында өздерінің оқырман тарту тәжірибесімен бөлісіп, кітапхананың жаңа қызметтері, электронды ресурстарымен таныстырды.
С. Аманжолов атындағы ШҚМУ профессоры, филология ғылымдарының кандидаты Л. И. Абдуллина жастарды оқуға тартудың жергілікті педагогикалық тәжірибесімен бөліссе, біздің кітапхана мамандары осы тақырыпта №35 және №4 мектеп оқушыларының қатысуымен арнайы сабақ өткізді.  Сабақ соңынан кішкентай оқырмандарымыға «Кондитер плюс» ЖШС арнайы дайындаған тәтті сыйлықтар кітап торттар  тарту етілді.

Іс-шараға келген ұстаздар мен кітапхнашылар арасынан кітапханамен тығыз байланыста жұмыс істеп, оқушыларын кітап оқуға насихаттаған белсенді қонақтарымыз сондай-ақ, отбасымен кітапханамыздың тұрақты оқырманына айналған Адильевтер отбасы арнайы алғыс хаттармен марапатталып, сыйлықтарға ие болды. 

Байланысшы: Ашкенова Жансая, тел.: 261333, ішкі 119

• < Артқа
• Алға >