Кітапханашылармен кездесу

29 наурыз күні облыстың бір топ кітапханашылары облыстық кітапхана жұмысымен танысып, тәжірибе алмасты. Кітапханаға экскурсия жасау барысында «IT-Отау», жастар интеллект орталығының жұмысы, Робототехника, «Шеберлер мектебі» қонақтардың қызығушылығын тудырды. Кітапхана қызметкері Ә.Омарова кітапханашыларды кітапхана ресурстарымен, өлкетану жұмыстарымен Шығыс Қазақстан өлкетануы http://kray.pushkinlibrary.kz, Шығыс Қазақстан: танымал есімдер http://imena.pushkinlibrary.kz/ru/, Біздің Абай http://irbis.pushkinlibrary.kz:8087/jirbis2/index.php?lang=ru, аудан кітапханаларындағы Онлайн орталық қызметтерімен, Виртуалды заңгер кеңесі (http://pushkinlibrary.kz/ru/online-centers.html) және Виртуалды анықтамалық қызметтермен (http://pushkinlibrary.kz/ru/sprosy.html ) жақын таныстырды.

Кітапхана сайтымен, өлкетану қызметімен танысқан кітапханашылар интернет арқылы ақпарат алудың қыр-сырын үйренді. «Алаш қозғалысына – 100 жыл» көрмесі туралы кітапханашы З. Слямова әңгімеледі. Ұзақ жылдар бойы жабық тақырып болып келген алаш арыстарының өмірі мен қызметі туралы құнды дерек қонақтардың таным көкжиегін кеңейте түсті. Кітапханашылар кітапханаға жазылып, оқырман билеттерін алды.

• < Артқа
• Алға >