Мемлекеттік қызметкерлерге ақпараттық қолдау

4-5 сәуір  күндері біздің кітапханаға облыс әкімдігінің басшылығымен облыстағы қаржы, экономика, табиғатты қорғау, жер ресурстары, сәулет және құрылыс басқармасының жетпістен астам мемлекеттік қызметкерлері лингвистикалық орталықтың ұйымдастыруымен ақпараттық семинарда болды.

Лингвистикалық орталық «Алаш қозғалысына -100 жыл» атты айлық өткізіп жатыр. Библиографтар Уалханова Рақия Нұралықызы, Тұрсынбекова Жанна Кемешова Меруерт кітапхананың ақпараттық ресурстарымен, кітапхана сайтымен таныстырып, кітапханаға экскурсия жасады.
«Алаш қозғалысына 100 жыл атты» көрмені анықтама библиографиялық бөлімнің кітапханашылары Слямова Зиза Мұхтарқанқызы, Жайлыбаева Меруерт, Омарова Әсел әсерлі де тартымды түрде айтып берді. Әлемде мемлекеттік сектор үнемі қоғам өмірінің назары ортасында тұрады. Бірақ, мемлекеттік қызмет саласындағы реформаны, басқару құрылымын бекіту, жетілдіруі, ең бір негізгі тұлға — мемлекеттік қызметкер. Қазақстан Президенті Н.Ә.Назарбаев мемлекетті нәтижелі басқару үшін мемлекетік қызметкердің қандай негізгі қасиетке ие болу қажеттілігін атады. Бұл - жоғары моральдік жауапкершілік, кәсіптік біліктілік, оны тәжірибе жүзінде қолдана білу, адалдық, белсенді өмір ұстанымы. Мемлекеттік қызметтегі әр адам өз жұмысының маңызын білу және өз елінің патриоты болуы тиіс. Осындай сабақтардың елім, жерім деген әрбір оқырманның, отанға, туған жерге деген сүйіспеншілігін, жалпы патриоттық сезімін оятуға себептігін тигізеді. Келешекте үнемі кітапханада әріптестік байланыста болуға тілек білдірді.

• < Артқа
• Алға >