«Алтынай»: Африкаға барамыз және... қазақша сөйлейміз!

Біздің «Кедергісіз кітапхана» жобасы аясындағы жұмысымыз өз жалғасын табуда. Кітапханада ерекше мұқтаж адамдарды рухани және танымдық тұрғыда дамыту үшін барлық жағдайларды жасауда. Бүгін біздің тұрақты пайдаланушыларымыз – «Алтынай» қоғамдық бірлестігінің жастары дамытушы сабақтарға қатысты.

Олар Яна Абдеева жетекшілік ететін «Түрлі-түсті палитра» үйірмесінің сабағына қатысты. Бұл жолғы сабақ тақырыбы Африканың жан-жануарлар әлеміне арналды. Балалар піл мен керіктің суретін салып, жан-жануарлар энциклопедиясымен танысты.
Сондай-ақ, «алтынайшылар» үшін «Қазақ тілінде сөйлесеміз» үйірмесі сабақ өткізді. Үйірме жеткшісі Нұрсәуле Жақып тіл үйренуге арналған суретті кітаптармен таныстырып: «Күнделікті өмірде өздерің білетін қарапайым сөздерді айтуға ұялмаңдар. Қазақ тілін үйренсеңдер, сол ұлттың салт-дәстүрін, әдебиетін де білуге болады» - деді.

Байланысшы: Нұрсадықова Б. тел.: 261-333

• < Артқа
• Алға >