Петропавлдық қонақтар кітапханада

Бүгін кітапханаға Назарбаев Зияткерлік мектептерінде қолға алыннған патриоттық жоба – «Туған елге тағзым» өлкетанулық экспедициясының мүшелері қонаққа келді. Жоба «Назарбаев Зияткерлік мектептері» дербес білім беру ұйымының бастамасымен туған өлкені танып білуге, оқушылардың бойында туған елдің ерекшелігі мен оның қыр-сырын білуге, оқушы бойында патриоттық сезімді арттыруға бағытталған екен. Қонақтар Назарбаев Зияткерлік мектебінің Петропавл қаласындағы химия-биология бағытындағы мектебінің оқушылары. Жас зерттеушілер Шығыс Қазақстанның тарихын, мәдениетін, көркем табиғатын зерттеу мақсатында қаламызға саяхатқа келген екен.

Балалар кітапхананың барлық бөлімдерімен танысты. Оқу залында қонақтарды қарсы алған тұрақты оқырманымыз, тарихшы Балтекенов Қабидолла ағамыз оларға Шығыс Қазақстан тарихынан қызықты ақпараттармен бөлісті. Сондай-ақ, француз, неміс, америка мәдени орталықтарында болған жастар осы мемлекеттерге қызықты онлайн саяхат жасады. Жастар интеллект орталығында болған петропавлдық қонақтар «3D моделдеу», "Лего-құрастыру" және сканерлеу бағдарламаларымен танысты. Алдағы аптаның демалыс күні осы Петропавлдан келген оқушылар Шығыс Қазақстан тарихына байланысты ғылыми жобалары аясында өлкетану зерттеулерін жалғастыруды жоспарлап кетті.

 Байланысшы: Ашкенова Ж.

Тел.: 26-39-46; 26-13-33 (119)

• < Артқа
• Алға >