Арман қала – Астанам, мерекеңмен!

Отанымыздың брэндіне айналған Астана күніне орай А. С. Пушкин атындағы кітапханада «Елімнің жүрегі – Астана» атты кітап көрмесі ұйымдастырылды. Аталған көрмеде Астана қаласының негізгі қалыптасу кезеңдері, Елбасының астананы көшіру және атауын ауыстыру туралы тарихи шешімі жайлы сыр шертетін кітаптар мен жинақтар орын алған.

Көрме материалдары әр оқырманға Астананың тарихи даму дәуірі жайлы мәлімет береді. Н. Назарбаевтың «Еуразия жүрегінде», «Қазақстан жолы», А. Смайылдың «Астана ғасырлары», Қ. Сұлтановтың «Елбасы және қазақ мемлекеттігі», Т. Сәдуақастың «Астана аймағы» еңбектері кез-келген келушіні немқұрайды қалдырмасы сөзсіз.
 «ХХІ ғасырдың Астанасы» атты көркем безендірілген альбом беттерін парақтай отырып, Бас қаланың әсем де көрнекті орындарын тамашалап, олардың қалыптасу тарихымен таныса аласыз.
Кітаптармен бірге көрмеден жас астананың заманауи келбетін айқындайтын журналдар, фотосуреттер, очерктер мен мақалаларды да таба аласыздар.

• < Артқа
• Алға >