"Әлем таныған Астана": елорданың 20 жылдығын мерекелеу басталып кетті

Биылғы жылдың айтулы мерекесі, еліміздің бас қаласы – Астананың 20-жылдық мерейтойы. Осыған орай 21 ақпанда  кітапханада салтанатты кездесу өткізілді. Астана қаласының киелі қасиеті, өзіндік ерекшеліктері және 20 санының нышаны мерекелік танымдық бағдарламаның мәні мен мағынасы болды.

Мәдени іс-шараға студенттер, оқушылар, мәдениет қызметкерлері, мұғалімдер және әскери мамандар келді. Кездесу қонақтары Астананың 20 жылдық белесіне көз жүгіртіп, еске түсіріп, пікір бөлісті. Соның ішінде: Астананың 20 көрікті орны, әлемдік деңгейдегі Астана тарихының 20 оқиғасы, белгілі адамдардың Астана туралы 20 цитатасын оқу, 20 қызықты дерек білу ...  Викториналық сауалдарға белсенді жауап берген қонақтар кітапхананың арнайы тапсырысымен шығарылған елорданың көрікті жерлеріне арналған "Астана" сувенир кітапшаларына ие болды.
Қонақтар назарына елордамыздың тарихынан сыр шертетін әдебиеттер көрмесі ұсынылды. Түрлі-түсті фотоальбомдарда бейнеленген Астананың сән салтанатты келбеті фотосуреттер галереясында жалғасын тапты. Сондай-ақ, келген қонақтар мерекелік арт-стена аясында естелік фотосуретке түсті. Салтантты кездесу еліміздің әнұранын орындаумен аяқталды.
Астана – «Рухани жаңғырудың» негізгі бағыттарын іске асырудың жарқын мысалы: жаңашылдыққа ұмтылыс, жаңа құндылықтар қалыптастыру, өркенді келешек үшін инновациялық идеялар енгізу. 20 жылдың ішінде республика өмірінен маңызды орын алып, еліміздің тартымды орталығы және ұлттық мақтанышына айналған елордамыз біздің рухымыз, мақтанышымыз және күш-қуатымыз!
Біз баршаңызды алдағы астана мерейтойымен құттықтаймыз! Астанамыз әсемдігімен әлемді тамсандырып, гүлдене берсін!

Байланысшы: Ж.Ашкенова

Анықтама тел: 261-333 (ішкі. 119)

• < Артқа
• Алға >