Жас таланттармен кездесу

Алғыс айту күніне орай, 1 наурыз күні сағат 15.00-де  кітапханада Шығыс Қазақстан облыстық драма театрының жастар труппасы актерлерімен кездесу өтеді.
Театр - жастарды эстетикалық адамгершілік пен ізгілікке тәрбиелеудің аса маңызды құралы. Бүгінгі заманда театрсыз елді көру мүмкін емес. Театр сол елдің айнасы. Қай елдің қандай жағдайда екенінін білгіңіз келсе театрына барып баға беруіңізге болады.

Ұлы мәртебелі театр өнері шынында ғажайып әлем. Ылғи да өз көрермендерін эстетикалық, рухани-мәдени ләззатқа кенелтіп келе жатқан осынау театр өнерінің нағыз жан дауасына айналғаны сөзсіз.
Сол таңғажайыппен көрісіп-тілдесу үшін ұлы өнердің ғажайып әлеміне саяхат жасағыңыз келсе. Тыныққыңыз, тазарғыңыз келсе, ойға шомып, қиялға батқыңыз келсе, театрдың жас шебер актерларымен кездесуге келіңіз.
Сондай-ақ, театр өнерінің бүгіні мен өткенінен сыр шертетін тақырыптық кітап көрмесімен танысыңыздар.
Театр актерлері Астана қаласындағы Қазақ Ұлттық университетін, Алматы қаласындағы Т.Жүргенов атындағы Қазақ Ұлттық Өнер Академиясын 2015 жылы тамамдап, өнер жолына енді қадам басқан өрімдей жас таланттар. Бұл театр жастары өнерге деген зор құлшыныстарының, шығармашылық ізденістерінің арқасында, бүгінде көрермен көңіліне жол тауып, қошеметіне бөленуде.
Кездесу барысында театр тіршілігімен тыныстап, рухани азық алыңыз.

Анықтама тел: 261-333 (ішкі. 119)

• < Артқа
• Алға >