Жаңа әліпбидегі өзгерістер туралы онлайн лекция

29 наурыз күні кітапханада Жаңа әліпбиді оқып-үйрену орталығында «Жаңа әліпбиді оқып-үйренеміз» атты үшінші бейне-сабақ және А.Байтұрсынов атындағы тіл білімі институты директорының орынбасары, филология ғылымдарының кандидаты Фазылжанова Анар Мұратқызымен онлайн кездесу өтті.

Мемлекет басшысы Н.Ә. Назарбаев 2018 жылдың 19 ақпанында «Қазақстан Республикасы Президентінің 2017 жылғы 26 қазандағы № 569 « Қазақ әліпбиін кириллицадан латын жазуына аудару туралы» Жарлығына өзгерістер енгізу туралы» № 637 Жарлығына қол қойған болатын.
Бұл бейне-сабақ жаңа әліпбиге енгізілген өзгертулерге арналды. Қазақ әліпбиінің жаңа нұсқасында апострофтер жоқ, диакритикалық белгілер бар. Жаңа әліпбидегі Ә, И, Й, Ғ, Ң, Ө, Ү, У әріптерінің жазылуы өзгерген, сондай-ақ, диграфтар (sh, ch) енгізілген.

Кездесуге филологтар, мемлекеттік қызметкерлер қатысты. Жаңа әліпбидегі өзерістер туралы онлайн кездесуге қатысушылар онлайн байланыс арқылы оқытушыға қашықтан сұрақтар қойып, сұхбаттасты.
А.Фазылжанованың алғашқы екі бейнесабағы кітапхананың веб-сайтында www.pushkinlibrary.kz. ұсынылған. Бұл бейне сабақта кітапхана сайтына қойылады.

Байланысшы: Ашкенова Ж.С. тел. 261333

• < Артқа
• Алға >