Рухани жаңғыру: «Рудный Алтай» газетіне - 100 жыл

10 сәуір күні Шығыс Қазақстан облыстық «Рудный Алтай» газетінің жарық көргеніне 100 жыл толды. Осыған орай кітапханада ««Рудному Алтаю» - 100 лет: по страницам истории"» көрмесінің ашылуы өтті.

Қонақтар назарына газеттің кітапхана қорындағы әр жылдардағы: 40-шы жылдардағы «Большевик Алтая», 50-ші жылдардағы «Знамя коммунизма» және 60-шы жылдардан бергі «Рудный Алтай» газетінің тігінділері ұсынылды.

Мерейтойлық басқосуға Анатолий Акава, Шахерхан Әзмұхамбетов, Сергей Суров, Людмила Семенова, Владимир Карелов, Владимир Никифоров, Андрей Кратенко сияқты газеттің өмірінде ерекше орыны бар жерлестеріміз келді.

Ардагер журналистер, газет тілшілері, жас қаламгерлер көрмеден газеттің өткен тарихына көз жіберіп, ескі жылдардағы басылымдарын, бүгінде өмірден озған әріптес-корреспондеттер кітаптарын парақтады. Газеттің алғаш қалай жарық көргенін естеріне алып, ойларымен бөлісті.

Жылдар өтіп, газет өмірінде заманға сай қаншама өзгерістер болсада, «Рудный Алтай» газеті әрдайым халық пен қоғам өмірінің хабаршысы болып халыққа қызмет етуде.
Газеттің «Голоса Алтаядан» «Рудный Алтайға» дейінгі барлық кезеңіне қатысты деректермен танысқыларыңыз келсе біздің кітапханаға келіңіздер!

• < Артқа
• Алға >