"Бұл ән бұрынғы әннен өзгерек...". Ш. Құдайбердіұлының туғанына 160 жыл

Биылғы жылы өлкеміздің танымал ірі тұлғаларының бірі, ұлы Абайдың дәстүрін жалғастырушы ірі ақын, ғұлама ойшыл, тарихшы, аудармашы, сазгер Шәкәрім Құдайбердіұлының (1858-1931) туғанына 160 жыл толады.
Сондай-ақ, ақынның шығармалары биылғы жылы «Бір ел-бір кітап» республикалық акциясының «ЖЫЛ КІТАБЫ» болып таңдалды. Осыған орай «Болашаққа бағдар - Рухани жаңғыру» бағдарламасы аясында  19 сәуір күні,  кітапханада  «Шаһкерім: Бұл ән бұрынғы әннен өзгерек...» атты әдеби-сазды кеш өтті.

Кездесуге мемлекеттік қызметкерлер, студенттер мен оқушылар жиналды. Қонақтар ақынның кітаптарын кім жинастырған?, фотосуреттерін кім сақтады? портреттерін кім салды? ақталғаннан кейін кітаптары қалай шыға бастады? деген сияқты  Шәкәрім Құдайбердіұлының өмірі мен шығармашылығының беймәлім беттерінен ақпараттармен таныс болды. Ал, ақынның философиялық ойлары туралы Семей қаласындағы «Шәкәрімтану» орталғының директоры Ақмарал Төлеуғазықызының бейнежолдамасымен тыңдады. Басқосуда ақынның әндері орындалып, өлеңдері оқылды.  
Ақын ұрпағына рухани азық боларлық мұра қалдырды. Оның қаламынан шыққан көптеген өлең-дастандар, мысалдар, нақыл сөз, проза, қара сөздер, аудармалар, қызықты да аянышты тағдыры туралы зерттеулер кітапхана мамандары дайындаған әдебиеттер көрмесінде ұсынылды.

Байланыс тел.: 26-39-46 (123)

Байланысшы: Кемешева М.

• < Артқа
• Алға >