Рухани жаңғыру: Акция - "Білім беру саласындағы онлайн-қызметтер"

25 сәуірде кітапханада «Білім беру саласындағы онлайн мемлекеттік қызметтер және ақпараттар» акциясы өтті. Акцияның мақсаты электрондық үкіметтің www.egov.kz порталында ұсынылған білім беру саласындағы электрондық мемлекеттік қызметтерді түсіндіруге арналды.

Кітапхана ішіндегі алаңдарда қалалық білім бөлімі, Халыққа қызмет көрсету орталығы (Қазақстан көшесі 99), С.Аманжолов атындағы ШҚМУ, Д. Серікбаев атындағы ШҚМТУ, ҚАЕУ, Құмаш Нұрғалиев атындағы колледж, ҚАЕУ Экономика және қаржы колледжі, Көлік және өмір қауіпсіздігі колледжі, Техникалық және гуманитарлық колледж, политехникалық колледж, техника-экономикалық колледж және біздің кітапхана мамандары акцияға қптысушыларға қызмет көрсетті. 

Қаладағы жоғарғы және орта арнайы оқу орындары үшін кітапханалық акция кәсіптік бағдар беру алаңы ретінде пайдаланылды.
Қала мектептерінің 9-11 сынып оқушылары университеттер мен колледждердегі әртүрлі мамандықтар бойынша оқуға қабылдау және оқыту шарттары туралы, байланыс ақпараттары және басқа да ақпараттар туралы кеңестер алды.
Өскемен қалалық білім бөлімі өкілдері Интернет арқылы алуға болатын онлайн қызметтер туралы айтып берді.
Кітапханадағы ақысыз интернет арқылы іс-шараға қатысушылар іс жүзінде онлайн қызметтерді алу мүмкіндігіне ие болды.
Кітапханалық акцияның басымды міндеті - электрондық үкімет порталында мемлекеттік онлайн-қызметтерді алуда халықтың цифрлық дағдылары мен құзыреттілігін дамыту болып табылады. Цифрлық дағдыларды дамыту - әрбір қазақстандықтың бәсекеге қабілеттілігі компоненттерінің бірі.
Кітапхана болашақта осындай азаматтардың мемлекеттік және электрондық қызмет түрлерін сауатты пайдалануды үйрететін акцияларды тұрақты түрде өткізуді жоспарлап отыр.

Байланыс: Ашкенова Ж.,тел.261 333, ішкі.119                

• < Артқа
• Алға >