«Біздің Абай» әдеби керуені жазғы лагерьде

А.С.Пушкин атындағы Шығыс Қазақстан облыстық кітапханасының мамандары  жерлесіміз Абай Құнанбаевтың туғанына 173 жыл толуына орай «Біздің Абай» атты әдеби керуенмен  Горная Ульбинкадағы «Дарын» жазғы лагерінде  еліміздің түкпір-түкпінінен жиналған оқушылармен кездесті.

Кітапхана мамандары оқушылар назарына «Абай Құнанбаев – ұлтымыздың мақтанышы» атты көшпелі кітап көрмесін ұсынып, «Біздің Абай»/ «Наш Абай» (http://abai.pushkinlibrary.kz) электронды кітапханасымен таныстырды. Әдеби керуенге қатысушы оқушылар кітап көрмесі жанында Абай өлеңдері мен қара сөздерінен үзінділер оқып, Абайдың «Желсіз түнде жарық ай» әнін орындады.
Оқушылар Абай өмірі мен шығармашылығы туралы интерактивті ойын-викторина сұрақтарына жауап беріп, сый кітаптарға ие болды.  Әдеби керуенге қатысушыларға «Біздің Абай» электронды кітапханасының мазмұнын ашатын данышпан Абайдың ойлары мен нақылдары, Қара сөздерінен үзінділер  жазылған ақпарат парақтар әзірленіп, таратылды.

                   Байланыс: Сакыбаева Шекер, тел.  261333

• < Артқа
• Алға >