«Қазақстанның 100 жаңа есімі»: Бауыржан Рахәділов

Халықаралық студенттер күні қарсаңында кітапханада «Қазақстанның 100 жаңа есімі» Ұлттық жобасына үміткер - жас ғалым, жерлесіміз Бауыржан Рахаділовпен оқырмандармен кездесті. 

С. Аманжолов атындағы ШҚМУ ұжымдық пайдаланудың Ұлттық зертханасының меңгерушісі, физика және технология кафедрасының доценті, өнертапқыш, PhD докторы, Қазақстанның талантты жас ғалымдарына арналған Мемлекеттік ғылыми шәкіртақы иегері Б. Рахәділовпен кездесуге мектеп оқушылары, студенттер, физика математика пәнінің мұғалімдері келді.

Кітапхана маманы, кездесудің жүргізушісі Бақытгүл Қалиева қонақтарды жас ғалымның жеткен жетістіктерімен таныстырып өтті.
Бауыржанның ғылыми жұмыстарының негізгі нәтижелері Қазақстан мен шетелде өткен 30 халықаралық және республикалық конференцияларда семинарларда және форумдарда баяндалып, 1,2 дәрежелі дипломдармен марапатталған.
Жаратылыс ғылымдарының магистрі, «Техникалық физика» мамандығы бойынша (PhD) философия докторы Б.Қ. Рахәділов Польша мен Германияның университеттерінде тағылымдамадан өтті.
Жас ғалымның материалтану және конденсирленген физикалық күй саласындағы үздік қадамы қазақ жастары үшін табыстылық, бәсекеге қабылеттілік, прагматикалық көзқарас пен білімге құлшыныстың тамаша және нақты үлгісі болып табылады.
С. Аманжолов атындағы ШҚМУ ұжымдық пайдаланудың Ұлттық зертханасының меңгерушісі, физика және технология кафедрасының доценті 3 оқулық пен 100-ден астам ғылыми жариялымның авторы, оның ішінде 20 мақаласы шетелде жарияланған, сондай-ақ 15 авторлық куәлік тіркеген.

• < Артқа
• Алға >