Рухани жаңғыру: Әлібек Қаңтарбаевпен кездесу

24 қаңтар күні кітапханада Әлібек Қалиұлы Қаңтарбаев жастармен кездесті. Кеш «Рухани жаңғыру: Болашаққа бағдар» бағдарламасы аясы мен «Жастар жылы» бағдарламасы аясында «Жас Отан» жастар қанатының бастамасымен ұйымдастырылды.

Шығыстың қаламы қарымды қаламгері Әлібек Қалиұлы Қаңтарбаев «Ағажай, Алтайдай жер қайда», «Қыран ғұмыр» атты поэтикалық, «Сол бір кез есімде», «Армандастар» атты прозалық, «Алаш азаматы» атты проза-поэтикалық еңбектердің авторы.
Кездесуде Әлібек Қалиұлының достары, әріптестері сөз алып, ізгі тілектерін білдірді. Жастар ақын шығармашылығынан алынған туындыларды  және өлеңдерін мәнерлеп оқыды.
Ақын, жазушы, журналист Қаңтарбаев ағамыз жастар қауымымен еркін сұхбат жасап, шығармашылық жолындағы естеліктерімен бөлісті.

Гүлнұр Зұлқаршын, кітапхана маманы "Ақиық" ақындар мектебінің жетекшісі:

Ә.Қ.Қаңтарбаев – Қазақстан Республикасының Жазушылар және журналистер одағының мүшесі, Катонқарағай ауданының Құрметті азаматы, 2007 ж. Шығыс Қазақстан облыстық Мәдениет басқармасы сыйлығының лауреаты атанған. 2009 жылы мемлекеттік тілді дамытуға қосқан үлесі үшін «Тіл жанашыры - 2009» төс белгісімен марапатталған. Бүгінгі күні Жазушылар Одағының Шығыс Қазақстан облыстық филиалына жетекшілік етуде.
Еліміздің осындай танымал азаматтарымен кездесу – жастарға рухани жағынан серпін, болашақтарына бағыт-бағдар береді деп ойлаймыз.

Байланысшы: Жансая Ашкенова тел.261 333 (119)

• < Артқа
• Алға >