«Әдеби hab» жобасы аясында шеберлік сағаты

Кітапханамыздың Білім орталығында «Әдеби hab» жобасы аясында шығармашыл жастардың қатысуымен шеберлік сағаты өтті. Кездесудің қонақтары: шығыстың танымал ақыны Раисова Бақытжан Мұхтарханқызы мен проза жанырында қалам тербеп жүрген жас қаламгер Әділ Жамболатұлы.

Кездесуге келген ЖОО-ның шығармашыл жастары мен кітапханамыздағы «Тастүлек» жас ақындар мектебінің оқушылары, қонақтарымыздан өз көкейлерінде жүрген сұрақтарына жауап алды. Шеберлік сабағында жастар өз шығармаларын оқып, өз араларында талқыға салды. Танымал ақын жастардың ақындық талантын тексеріп алу үшін «Жапырақ» деген тақырыпта өлең жазуға тапсырма берді. Жастар белсене қатысып, шығармашылыққа таланттары бар екенін тағы бір дәлелдегендей.
Ал, Әділ Жанболатұлы проза жанырының қиын да қызық жанр екенін айта келе, жазушы болу үшін біздің елдің жазушыларының шығармаларын ғана оқып қоймай, әлем әдебиетіне ден қою керек екендігін атап айтты.
Бақытжан Мұхтарханқызы жастардың шығармашылығына риза болып, оң бағасын берді. Осы жоба аясында осындай кездесулеріміз жалғасын таба бермек.

  Байланыс тел.: 26-39-46 (119)

• < Артқа
• Алға >