Мерей Қарт: "Мен аспаншыл ақынмын!"

2019 жылы 30 мамыр күні сағат 15-00 де А.С. Пушкин атындағы облыстық кітапханада Шығыстың танымал жас ақыны Мерей Қарттың жастармен кездесуі өтеді. Кеш «Рухани жаңғыру: Болашаққа бағдар» бағдарламасы және Жастар жылына арналған іс-шаралар жоспары аясында, кітапхананың «Әдеби- hab» жобасы негізінде ұйымдастырылады.

Мерей Қарт – «Дарын» жастар сыйлығының лауреаты. Республикалық «Алтын тобылғы» әдеби байқауының гран-при жүлдегері. Төлеген Айбергенов төсбелгісімен марапатталған. Қазіргі таңда Жазушылар Одағының Шығыс Қазақстан облысы Семей қалалық филиалына жетекшілік етуде.

Кездесуде белгілі жас ақын жастармен еркін сұхбат жасап, шығармашылық жолындағы естеліктерімен бөлісетін болады. Шығармашылыққа қабілетті жастардың бойындағы шешімін таппаған сауалдарына жауап беріп, ізденісте жүрген жастарға бағыт-бағдар береді. Іс-шара әнмен әрленіп, ақын өлеңдерімен өрнектеледі. Жастар тарапынан қызықты сауалдар қойылып, ақын туындыларынан монологтар жатқа оқылатын болады.

Кездесуге зиялы қауым, жас ақындар, шығармашылыққа қызығушылығы бар жастар, өнерсүйер қауым шақырылады. Еліміздің танымал азаматтарымен кездесу – жастарға рухани жағынан серпін, болашақтарына бағыт-бағдар береді деп сенеміз.

Байланысшы: Зұлқаршын Гүлнұр
тел. 26-13-33

• < Артқа
• Алға >