«Үміт» жәрмеңкесі. Қайырымдылық акциясы .

29 қазанда А.С.Пушкин атындағы кітапханада Шығыс Қазақстан облысы әкімдігі, Шығыс Қазақстан облысы бойынша қылмыстық атқару жүйесі департаменті, ҚР Қызыл Жарты ай қоғамы филиалының ұйымдастыруымен ШҚ облысындағы қылмыстық атқару мекемелерінде жазасын өтеп жатқан сотталғандардың қолдарынан шыққан суреттері мен қолданбалы өнер бұйымдарының қайырымдылық жәрмеңкесі өтті.

Катанов Арман, ШҚО қылмыстық-атқару жүйесі департаментінің оқу бөлімінің бас маманы:
Көрмеде 130-ға жуық туынды ұсынылған: сурет, ағаштан жасалған бұйымдар. Акция келушілердің көңілдерінен шығады деп үміттенген едік, қателеспеген екенбіз. Комиссия сатып алу үшін қолайлы бағаларды белгіледі. Міне, отбасы өздеріне домбыра мен желкенді қайық сатып алса, жас қыз қымыз құйғыш алды, суреттер мен қобдишалар да жақсы өтуде
Тоқтамысова Зухра, әділет капитаны, ШҚО қылмыстық-атқару жүйесі департаментінің әлеуметтік-психологиялық жұмыс бөлімінің аға инспекторы:
Бұндай көрмелерді жыл сайын өткізіп тұрамыз. Көрме аяқталғаннан кейін біз бұл жұмыстарды қарттар үйіне, балалар үйлеріне беретінбіз. Биылғы жылы біз көпбалалы және аз қамтылған отбасыларға көмектесіп, жәрмеңке өткізуді ұйғардық. Келушілер экспонаттарды бағалап, сатып алуға мүмкіндік алды. Сатылым сәтті өтті, өйткені бағалар 500 теңгеден 2500,3000 теңгеге дейін болды. Қалған экспонаттарды қайда беретіндерін ұйымдастырушылар шешеді. Жәрмеңкеден жиналған қаражат көп балалы аналарға және әлеуметтік жағдайы төмен отбасыларға көмек көрсету үшін Шығыс Қазақстан облысы Қызыл Жарты ай қоғамына берілді.

Байланысшы: Жансая Ашкенова

Тел.: 26-39-46 (119)

• < Артқа
• Алға >